General Than Shwe leh Suu Kyi kimu

General Than Shwe leh Suu Kyi kimu

National League for Democracy (NLD) Chairperson Aung San Suu Kyi leh nidang gamkap mangpipa Senior General Than Shwe te Friday ni in kimukhawm uh cih RFA News in genkhia hi.

Hih akimuhna ahang ahihleh NLD in Kawlgam kiteelpi ah gualzawhna ngah ahih manin, gam ukna ki ap nading vai tawh kisai aki mu hi ci’n NLD Spokesman khat in genkhia hi.

Friday ni nitak 2pm hun in Kawlgam khuapithak ahi Naypyidaw ah aki mu uh hi a, General Than Shwe in NLD ii gualzawhna pen theihpihna pulak hi. Tuaban ah Kawlgam pen Democracy tawh khantohna aki zopsuak nading in kong panpih theihbang in hong panpihning cih kamciamzong pia cih kiza hi.

Hih kimuhkhopna pen Kawlgam gamvai kikhel nading in athupi leh akisam mahmah khat hi a, gam ukna ki ap nading inzong nakpitak in panpihding hi cih Win Htain in genkhia hi.

General Than Shwe pen Kawlgam galkap kumpi sungah thu neilai mahmahding in aki ummawhkhat hi a, tuahang mah inzong Kawlgam Election aki bawlkhit ciangin Suu Kyi tawh akimu hiding in ki ummawh hi.

U Win Htain genna ah NLD Party in 1989 kumpek akipan Than Shwe tawh Political Dialogue neihkhopding a ngekdet ahihlam zong pulak khia hi. Tupetpet kum 27 khit ciangin Than Shwe leh Suu Kyi aki mutheipan nahimawk hi. ZD Sawltak #zomidaily