Na lunggulh takpi hiam

Na lunggulh takpi hiam

“Are you really willing?”
Minam khatsung ah kipawlkhawm kipumkhat in, khutkhat tawi, khekhatkhai in gam leh minam ading sepkhop ding na lunggulhtakpi hiam?

Arizona gamgek aom Zomi mimalciat kidong photphot dih ni. Akuamapeuh in lunggulh dingin, kong lamen hi. Tua ahihman in akipawlkhawm thei Zomi te ihih theihnangin, mipil, lungsim hoih, hongdeihsak kipawlna makaite, Biakna Siate khempeuh pen, minam khat hihna sung ah, ki thutuaktak a gam leh minam ading kipawlkhawm in nasepkhop theih ding hong kulmasa ding hi. Pawlmi mimal in zong makai te zuihsiamna kisam mahmah ding hi. Amasa in makai te in, lungsim khempeuh piakhia in, deihsakna tawh makaih sawmhimhim phot ding zong thupi mahmah hi.

Former President of South Africa and Nobel Peace Prize winner ahi “Nelson Mandela” bang naci hiam cihleh “Makai kician muanhuai khatin ahileh, aminam pihte asuahtaak nang, akipiakhia dingin, ki gingsa a omhamtang ding hi.

“Real leaders must be ready to sacrifice all for the freedom of their people.”

Ei mipi te in zong, makai ten’ bang hongsem tam, hong bangci makaih tam cihtawh buaimasa zawlo in, makai te bangci bangin kapanpih theihtam cih lungsim tawh semkhawm in thapia sawm ding hongkul ding hi.

“President John F. Kennedy” bangna ci leuleu haima cileh “Na gam in, nang ading bang hongsepsak theiding cih dong kenla, ka gam ading bangkasem thei dinghiam cih nanglehnang ki dong in.

“Ask not what your country can do for you; ask what you can do for your country.”

Zomi atam zaw in kipawlna bang hamphatna kangah tam, makai te’n bang hongci huh theitam cih lungsim hi lozaw in, President Kennedy kampau mahbang in, ka gam ading ken bang ka sem thei tam cih tek sawm leng kipawlna te kitamtam lo in, phung semsem ding in kalam en hi.

I vekpi in itel ding kisam kasak khat bel, vaikhat peuhpeuh ihawm teh ki thutuak a, himah ei semkhawm liallial ni icih zawhding thupi kasa mahmah hi.

Vaihawm gelna hong susia theibel ahih leh, picin lohna, hanciam noplohna, khatlekhat panmun ki deihkawhna(hazatna) te cileng kikhial lokha ding hi. Tua bektham lo apil asiam, muan le suan te’n hong makaihlo zong hikha ding in ka um hi. Kipawlna sungah ki siatna, ki tamkhap detkeeina pen hih atung ahang teng hi.

“Irish and English statesman Edmund Burke” in bangna cihiam cihleh, “A hoihlo sepna/gelna khat peuhpeuh in gualzawhna angahna ding in mihoih mipil te bangmah semlo/gello in aom hang ahi hi.” na ci hi.”

“Irish and English statesman Edmund Burke said, “All that is necessary for evil to triumph is for good people to do nothing.”

ZOMI te pen Pasian in, amah bia ding le aumthei dingin, thupha hongpia ahihman in lungdam huaikasa hi. Pasian um te ihih manin, Paisian deihna hong lamlakna tawh kituak in, ki pumkhat in ZOMI te hanlungciam ma ipang khawm ding hi.

“Abram ham Lincoln” in bang na ci hiam cileh “America pen apua lam mi te’n hong susialo ding a, ei suaktakna izat khial in ikhasuah leh, eimah leh eimah in i susia ding hi.” na ci hi.

“America will never be destroyed from the outside. If we falter and lose our freedoms, it will be because we destroyed ourselves.”

Tuamah bangin Zomi te zong kuamah in hongsua sia lo ding a, ei suaktakna zangkhial in, ikhah suah leh, Zomi te mah in i susia ding hi. Hibang in eileh ei aki susia te ihihlohnang pilvaktak kipawlkhop huai mahmah hi.

“Martin Luther King” mah in bangna ci leuleu hiam ci leh, “ Ei te in unau sanggam bang i nungta ding a, i siat leh zong mihai bang isai khawm ding hi” na ci hi.

We must learn to live together as brothers or perish together as fools.

Zomi te in zong hihbang in, ki thutuah suamphotphot le hang, thu le la vaihawm nate, gam le minam ading sep le bawlna te ah gualzawhna ingah ding hi.

“Irish playwright and a co-founder of the London School of Economics” ahi “George Bernard Shaw” bang naci leuleu hiam cih leh “Mi Pawlkhat te in aomsa van/na/thu te ahi bangbang in mu in, a bang hang ai tam ci uh hi, mi pawlkhat leuleu te in a om ngeilo/a piang ngeilo van/na/thu ngaihsun in, bang hang in hi theilo ding ci uh hi.

“Some people see things as they are and say why? I dream things that never were and say, why not?”

Tua ahileh kipawlna sung thupiang te, Zomi sung apiang te abang ci ahi tam, icihcih sang in, bang ci leh ahoih zaw ding cih te ngaih sun in, bang hang hi theilo ding ci-in hanciam thala in, kipanpi sawm tek ding thupi isak tek ding tha kongpia nuam hi.

Gregory Lianpu

May 22, 2015 (Friday) ni: ZIA te tawh hunzatna ah ka thugen