The night and the day paradigm ~ Dim Lun Zam
Tuani pen thusin bang mah neilo. Ahihhang, zan kimlaitak in, ka Siapa ka lupna khan ah ongpai in a hong phong hi.
“Ong pai o, I thu sin ding hun ong tung ta in apualam ah pusuak khia dih ni” a hong ci hi. A khang mulong ka hih manin, dihdih sa pian na pi in a cih bangbang ka mang hi. Mualbo tung khat ka tun dong uh khuamial sung ah ka paipai uh hi.
“ Lawm, sun leh zan koi masa zaw a leh gen dih o” ong ci leuleu. “Sun ong om masa in sun hun a bei teh zan ong kipan hi lo ding maw Sia” ka ci hi.
“ Tu a na muhdan pen leitungmi khempeuh muhdan leh theihdan hizen ai ve. Ahihhang, Pasian in tuaci ngaihsut lo.”
“ Bang na cih nopna ahia Sia?” ka ci kik hi.
“ A zenzen in sun khit teh zan ong hi leh bang ong hi ding ahiam cih leh khuavak na pan khuamial ong hi ding. Na khempeuh mial semsem ding hi. Na khempeuh amail na lam ki manawh tek ding a, leitung vai mahmah ding hi. Leitung vai cih pen, khangno na pan tekna,guaina ah, atan na pan amial ah, thahatna pan thanem na ah ong hi ding a, nuntakna pan sihna pen lamtawp a hong hi ding hi.
Pasian in leitung khempeuh abawl laitak in, sun pan zan ah hi lo in, LST sungah, “There was enening and morning..nitak pan zingsang… hi. Ni khat I kipatna pen nitak pan hi. Tua ahih man in zan tawh nisim ki pan hi.
“Tua hang a hi ve maw, Jews te holidays pen peuhmah pen nitak pan in ki pan se.”
“ Jews te holidays bek hi lo e, LST sung khempeuh a ni khempeuh nitak tawh ki pan hi ei.””Nisim pen nitum hun pan ki sim ta hi.. Leitung mite pen khuavak tawh ki pan, Pasian a pen nitum pan ni suah hi in ki lehbulh hi. Khuamial pan khuavak hi. Leitung tate bel khuavak pan khua mial maw. Pasian tate zong zan pan sun ah ki khin uh. Piangthakna pen khuamial sung ah pan mah ngah uh a, khuavak sung ah ong tuan uh hi.
Tha nemna pan thahatna, lamet beina pan lametna ong nei thei uh, ki suan na pan lungsim no suah kik na, kahna pan lungdamna ah, sihna pan nuntakna ah, cihte ah hong ki khin uh hi. Zan hun pan in pan le cin, hong kheng khin leh phal ong vak ding hi. Tua ahih man in, Pasian thusim om bang in nungta le cin, na nunsung a aom khuamial te pen ong vengveng ding a, khuavak sung na tung ding hi.”
Tua bangin thu hilhna ong neih kim lai tak in zan hun khuamial mekmak teng ong beibei a, phalvak ding ong ki pan ta hi.
The mission: Bangci bang khuamial na nei hiam? Launa, mawhna, haksatna tuam tuam tawh na ki tuam kha hiam? Tuni in, tua pan in ong ki khel in la, khuavak ah ong lut in.
Genesis1:3-5; Ephesians 5:8; !Peter 2:9; 2 Peter 1:19, Cahn’ day 15; Dim Lun Zam
Comment piaknop aomleh...