ECODS: Zomi Forum ah Thugending Makaipite ading Thudotna te online pan kipuak thei

ECODS: Zomi Forum ah Thugending Makaipite ading Thudotna te online pan kipuak thei

Yangon, August 18, 2014 – Hong tung ding August 23, 2014 (Saturday) ni in, YMCA, Yangon ah Sundak 1 – 5 Pm sung kibawl ding, ZOMI FORUM ah thusung ding makaipi te tung ah dotnate online pan kipuak thei hi cih thu Forum vaihawm ahi ECODS pan kiza hi.

August 16, 2014 (Sat) ni in, TBCY Biakinn ah Makaipi te tawh kimuhna pan in hih bang in thu kiza ahi hi.

Forum thubulphuh zong “I Gam, I Minam, I Mailam” in kipuahpha hi.

Makaipi te in thukikupna ah’
– Zomi te tulaitak i buaipih phadiak thute
– I nusiat huai te
– Tulai i dinmun
– I mainawtzia ding
cih thute hong kikum ding uh hi.

Dotna te ah, ZOMI FORUM Thubulphuh tawh kituak hi ding a, a dong te i Minpi le Omna mun te kihel hamtang ding kisam hi.

Dotna te pen FORUM sung ah hun ngah zia tawh kituak in, Makai te in hong dawn sak ding uh hi.

Dotnate puakna ding;
ecods.myanmar@gmail.com

Anunung pen puak ding ni le ahun:
August 21, 2014 (Thu) Nitak 4:00 PM (MST)

A lunglutte in 09-4211-29829 ah min kipiakhol thei hi cih thukiza hi.