Hong mai sak in maw PA aw

Hong mai sak in maw PA aw

Ka pa’in, kei a dingin zang nisuah sim’in, vai lo kuan in, Kei a dingin akhua ul sibang luangin, sun nikhua bei zel ee.

Ka pa in, nitak ong ciah ciangin, kanek kadawn ding uh ong puak den hi.
Ka pa in, ka Nu ka sanggam teng tawh kanek kadawn dinguh a lei na in, sun thaipai a athalawh sum te bei mang den hi.

Ahi zongin, hi bang in kapa hong itna leh hongkhua nate, phawk khalo leh thei nailo ka hih man’in, ka duh te ne’in, ka duh loh te pa lim kei ka ci kha zel hi.

Tuabang a duhloh ka neih ciangin, tawng aw bang duh na hia ci-in, sum neilo pipi kaduh kadeih ong bawlsak in, onglei sak zelzel ” Kapa ”

Pa aw, na vondeih nong itna lian lua,
Ken bang tawh ong thuk kik zo ding ka hiam?

“Zaila” tawh ong awi ingh Zua aw

* Hong maisak in maw Pa aw.
Hong mai sak In maw Zua aw.
Nong it nong kep khoi na lian.
Bang tawh ken, kong thuk zo diam,

(Hong mai sak in maw Pa aw
Hong mai sak in maw Zua aw
Na von deih thupha hong pia’in,
Na kiangah thu pha kong ngen ) 2

* Hong mai sak in maw Pa aw,
Hongmai sak in maw Zua aw,
Na von deih nong kep na lian,
Bang tawh ken kong thuk zo diam,
Pa aw, nang nong it bangin, katu kata te a it zo den dingin, thu ong nget sak in.

Thang C Khai