Na Khaksuah (Phlegm) in honglak na cidamna ~ Hau Lun

Na Khaksuah (Phlegm) in honglak na cidamna ~ Siama Hau Lun

Khaksuah mel (Phlegm color) etna tungtawn in tuap leh huih dikna lampi’ cidamna akipan pumpi cidamna/ natna ki theikhia thei hi.

1. Khaksuah siang (ချွဲ အကြည်)

Tui, a al-dat leh pumpi natna dal cell tuamtuam ki hel-in pumpi cidam hun sungin om hi.

2. Khaksuah kang (အဖြူ ရောင် ချွဲ)

Nak sungah damlohna, bawkna khat peuh om leh khaksuah kangin a ngeina sang man zaw thei hi.

3. Khaksuah naipak heuhiau (အဝါရောင် ချွဲ)

Natna lungno pawlkhat pumpi ah honglut lam hong lak hi. Tua natna lungnote leh pumpi sungaa om natna dal lungnote a ki do ciang khaksuah naipak thei hi.

4. Khaksuah eng (အစိမ်းရောင် ချွဲ)

Pumpi sungaa om natna dal lungnote leh apua lam a natna lungno pawlkhat hong ki do ciangin hong piang lungno si pawlkhat leh protein te -in khaksuah mel eng sak thei hi. Natna dal lungno leh natna lungno ki lim do mahmah ahih lam hong lak hi.

5. Khaksuah san (အနီရောင် ချွဲ)

Khaksuah ah si aki hel manin a san hi. Si a ki helna ahang tampi om thei hi. Huihdikna lampi bawkin bukkhuh a nasiat luat ciang tuap leh huihdikna lampi tawn a om sihui neute ki tamin khaksuah ah si kihel thei hi. Adang natna lauhuai tuamtuam hang zong hi thei ahih manin manlang in zato ki lakhuai hi.

6. A vom milmial khaksuah (အညိုရောင် ချွဲ)

Siluang zawh a sawt pian ciang khaksuah ah hong pusuak pan leh vom milmial thei hi. Zato ki lakpah huai hi.

7. Khaksuah vom nena (အမဲရောင် ချွဲ)

Lungno gilo pawlkhat hangin khaksuah vom thei hi. Zato ki lakpah kul hi. Deihsakna tawh, Hau Lun Lam-etna (Ref: Dr MMMS)