Mytel te’n Myanmar gambup ah Coverage 70% huamsak khinta

Mytel te’n Myanmar gambup ah Coverage 70% huamsak khinta

Myanmar gamsung ah Phone leh Internet zattheih nadingin avaihawm, Telecommunications Service apiakhia Mytel Company te’n Myanmar gambup mipi Population ii 70% Coverage huamkhinta cih U Zaw Min Oo in genkhia hi.

U Zaw Min Oo pen Mytel Company ah Chief External Relations Officer aseplaitak ahihi. Myanmar gamsung ah abeisa in Telecommunications Operator akigawm in 3 aomkhinsa hi a, hih Mytel Company pentawh Myanmar gamsung ah Telecommunications Operator 4 aki neitota ahihi.

U Zaw Min Oo in agenbehna ah Yangon Region sung aom Township khempeuhphial Mytel Company te’n Coverage huamkhinta a, Internet Data leh phone kihonading Voice tepen VoLTE Technology vive kizang cihi.

Yangon Region sungteng ah Full Coverage angahtheih nadingin BTS Station (Base transceiver stations) tultampi kisam hi. BTS cihtepen GSM Mobile Station tetawh kizoptheih nading akisam ahi Antenna leh Radio Equipment cihte ahihi.

Tulaitak pen Transmission Issue hangin munpawlkhat ah Network hoihtaklo in, nawngkaina themkhat “Minor Interruption” omthei khading hi. Tuabang athuakkha User tepen kongthum uh a, themcik na lungduaitak in na ngaksak lai un ci’n genkhia hi.

Mytel Company panin Internet leh Phone zattheih nadingin SIM Card bekbek akigawm in 3 Million aki hawmkhia hi a, tulian laitak in Mytel Users pen mi 100,000 bang phakhinta hi.

Mytel 4G SIM Cards leh Top-up Card tepen Myanmar gambup aom 50 Mytel Shops leh 50,000 Distribution Retailers te kiangpanin ki ngahthei hi. Kumkhatsung bekbek in Mytel Company panin Fiber Optic Cable asauna 30,000 km ki khungkhinzota cihzong kiza hi.

More: Ooredoo SIM Card tawh kisai theih huai pawl khat

Myanmar gamsung ah Telecommunications Service Provider pen Telenor, MPT, Ooredoo leh MyTel ahihi. (MyTel pen nung February 13 ni in Naypyitaw aom Kempinski Hotel ah honna akinei athak liklek Telecom Operator khat ahihi)

Telecom Service Provider 4 aom lakah Market Share atampen ahihleh MPT hi a, 42% ahihi. Tuazom ah Market Share atampen Telenor hi a, 35% ahihi. Sawltak #zomidaily