A muanhuai taktak lo Lawm te pianzia
1. Hong piakhia ngeilo in ngah ding bekbek a ngaihsun mi
2. A ngah theih khempeuh i kiang pan in a lamen den mi
3. Tawmcik hong huhna tawh tampi hong la kik nuam mi
4. Hong pelhtheihloh man bek in hong huh mi
5. Hamphatna ding a muh lehbek hong huh nuam mi
6. Hong huhnuam mah ingh a kamtawh cici napi a semkhia ngeilo mi
7. A nung, a mai, leh tulaitak ka vai haksa lua ciden aa hong huhkik nuam ngeilo mi
8. Ka supna lianlua, nunglamciangh hong paikik in hong ci den mi
9. Hong it ki neih pong aa hong kipawlpih mi
10. A sia a pha khatpeuhpeuh na sepsawm ciangin ‘hoih hi’ hong ci denden mi
11. Om khawm keng i hoihna tengbek hong genpih den mi
12. Om khawm keileng i hoihlohna teng midangkiangah a gen den mi
13. A hoihlo gamtatna lam ah hong paipih nuam mi
14. Guihtheih khamtheih hong pantah nuam mi leh
15. Sum kitahna munte ah lamhong lak den mi
Hibang mite Lawm in na neih leh pilvang in. Lawm aa na neihthamna pen supna, siatna, beina peuh hithei hi.
Launa a kiamtheih na ding
Launa a beina dingin a laulo ding kisin ding kisam hi. A laulo aa ngamtatna pen zongsatna suaksak ding kisam hi.A laulo ding kisinna ding lamtampi om ding hi. Tua te lakpan in khat ngenleng mikim in a zat theih hi aa a olmahmah khat ahihi. Limlangh lianpi mai ah dingin nanglenang ki en in. Hoihtak in na mit mahmah na et khit ciangin ‘ka sem gam hi, ka kimuang hi’ ci in pulak in.
‘Ka septheih mahbangin kasemgam hi’ ci in pulak in. Nisim in tuabangin hih zelzel in. Launa leh kimuan lohna teng a beidong in hih in. A hun a tunciangin launa teng hong veng ding hi. Luana a beiciangin na semngam dingaa semlecin na zo ding hi. Hihpen mipilte thuhilhna a hihi. (Louise Hay)
Ngaihsunphot
1. Pasian in ‘hong it ingh’ hong cih leh uphuai hi. A tapa khatbek neihsun hongpia ngam hi. Sihna a thuakding nagawn hong it manin hong paisak hi. Tua ahihmanin Pasian itna um khial kei in.
2. Na nu le pa in hong it ingh hong cihleh uphuai hi. A nek ding ne gamlo, a silh ding silh gamlo liangin pilna hong sinsak hi. A mau pumpi sangin a tate a’ding hong deihsak zaw hi. Tua a hihmanin nu le pe itna um khial kei in.
3. Na lawm ngaihpa in hong it ingh hong cihlleh ngaihsut huai hi. Hong it manin bang hong pia gam hiam? Banghong sepsak gam hiam? Na sepkhialh, na pau khialh na ah hong maisak gam hiam? Na lawm ngaihpa in hong it ingh hong cihbek tawh lawplua pah dah in. Ngaihsun hithiat phot in. Itna pen sepkhiatna tawh kilangkhia hamtang den zaw hi. Siamsin Library
Comment piaknop aomleh...