2015 Election ~ Titus Zomi

Laisimteng,
Mi pawlkhatin USDP leh NLD gengen uh, Zomite aadingin gentak vetlo uhhi. Ih theih pak dingin Guahtui tamluatna hang tawh Zogam dongtuahna-ah tuni dong USDP Kumpi in Tedim leh Kalaymyo kikal lampi zong sial kik zo nai kei uh, kinin nei vetlo uh hi lel hi.

Dongtuak tampi tak ih om hangin NLD in Huhna bangzah tak hong pia khia uh hiam? Kawl minamte’n bang zah huhna kidongin hong pia uh hiam? Wailuhkyaw bel Kawlmi dan hi in, amah lah Party vai hi kikeuhlo Mimal veina tawh Volunteer panpihna (Social work) nasem hi.

CNDP (Pu Zozam Party) zong gen kul nawn kei, Pu Zozam in tuni ciang dong bangmah sem kei, a singlamteh phuh cih khawngte khantohna zong hilo pi, nidang peka Biakna Pawlpite phuhsa, Kawlmang in a phuk, A phut cil pawlpi a veimahmah te’n na sa mahmah ding hi ven, tun phut kik ni ei va cileng nak nuamlua ding uh hi. Tua bang nasep hong sem pak peuh gam aading, minam aading nasem sa lel tak pahtawina phatna in nei dep.

Haksatna taktak ih tuah ciangin, Tuipi galpan nangawnin neihsunsun kidong tawm thiamthiamin Samkhau phel lianga kipanpih Zomite bek mah ih hih lam Zomite aneu pen pan alian pen dongin tel buang leng ut mahmah hang ei, a telsiam dingin Pasian in thupha hong pia hen o. Zomite huhna ding ci-in mi namdangte sum kidong zawzen lo uh hi. Hong uk kumpite in zong Dongtuak Huhna ci-in bang mah hong pia lo uh. (Pu Thang Khawm Pau in, Thein Sein Kumpipa tuikhang enin Kalaymyo va pai a HUH HUAI MAH EI ci-in ciah san hi ci).

Mi pawlkhatte’n ZCD in paulap ding mahmah a neihloh manin Zomi paulap uh hi, cih zong om leuleu hi. Party khempeuh lakah Zomi a vei taktak ZCD bekmah om pan hi.

Pawl khat leuleu kithu khual sak dep in, NLD Kawlgam bup tangmi hi, amau mah ih piak ding hi, amau pia kei leng Democracy kingah zolo ding hi a ci tawh om ngeingai hi. NLD sungah makaite Kawlmite hi a, Zomite thu bangmah kin lo uh/ kinlo lai ding uh hi, Tuikhang Dongtuahna-ah zong bangmah pia lo pi uh. A sungah lut leng ei aa hi lel hi cih zong om. Na lut sawmvei zong ei aa hi ngei tuan kei, Democracy tawh pai taktak leh a tamzaw (Majority) mah hi veve Nang thu gen lel dih Balteh tunga tui buak bang lel ding hi (bangzo kei lai inteh).

00vote ZCD Zomi party ih cih tak ciangin, Politic hikei Minam vai hi a ci tawh, bangbang hita leh Politic kipatna Minam hi den zaw hi. Leitunga Revolution a piangsak mi minthangte tangthu nasim zel dih ve vua. Ih phawk dingah, Moses zong Egypt kumpi innsung pan Kumpi suak ding pa Kumpi zaa nusia-in Ami Israel te tawh haksatna thuak khawm uh hi. Tua minam vai pen Politic hi kei ih ci thei diam! Moses in Israel te Politic a thak hong pan khia hi. Tuni in Leitungah gam neupen khat ahih hang, kidona om leh a kim le pam a gamteng kop ta leh zolo uh hi. Ih gen nop bel Gambup NLD ih kipawlpih manin Politic hi tuanlo a, Zomite ih kipawl manin Politic hi kei minam vai bek hi cih theih om tuanlo hi. Bangbang hi leh Zomite teng mah a ki-it masa pen teng hizaw ih hih manin Zomite neih Party mah vote piak ding hoih zaw veve hi. Namdangte pilna siamna te ih mukha zongin, mee ihvai pia keek zongin bangmah limlawh khak om ngeilo/ omlo lai ding cih na thei ta un.