Music zong Galhiam hoih khat hi

India gam ah missionary a pai masa pawl ahi E.P. Scott khual a zinna ah mi gilo ten umcih-in teipi tawh ngim uh hi. Ama’n zong a ipsunga a puak den Violen lakhia-in, ” Dawn un, Zeisu min Vangliatna”, cih la sa hi. Tua la tang sungah “Hih leitunga mi nam kim in” a cihna mun a tun ciangin tua mi gilo te ki sik in a khut vua a tawi uh teipite khiasuk-in a khitui uh luang khia ziahziah uh hi, ki ci hi. Scott in tua minamte’ kiangah Pasian’ itna leh tatkhiatna thu a sih tawp dongin hilh hi kici hi.

A siamna uh Pasian hong piak siamna hicih a theiten ki phatsakpih ngeilo in, mi tampite phattuamna dingin zangh denzaw uhhi. Tua bek hilo in nuntakpih ban-ah hong gum Zeisu hoihna thu mite telsakzo uhhi.

Zomite sungah ka ngaihsut ngei khat in Music leh La tawh minthang mahmah na pi-in a minthanna uh nuntaak pihzo tam hetlo hi. A nuntak pihte om zia ka ngaihsun ciangin Pasian zahtak bek hilo in;

1. Ki niam khiat uhhi.
2. Deihsakna nei uhhi.
3. Mite itna neih uhhi.
4. Hanciam vilvel uhhi.
5. Citak uhhi..cih bang tuamtuam tawh kalsuan uhhi.

Mi pawl khat maw. Music pawlpi khat ah siam kisa pianleh Homecel ah tumnuam lo, sanuam lo, Khua sungah siam kisa pianleh Biakinn ah tumnuam lo, sanuam lo cih bangin om thei uhhi. Music leh Lasakna tawh hauhpi bel theikhang a nuntak pihten kuakua in La asa zongin, koikoi biakna aom zongin Topa zahtakna tawh a siamna uh zangh hi. Tua bang mite bek mahin nuntakpih hi. Mite in zong phattuampih hi. Sinna ki cian nei mello te peuh mai etet kul zawsop thei hi. Tua bang mite khangthak ten khannilhta hi.

Sinna nei-in neita keileh a theihna sunsun tawh mite a hilhnuam Topa minthanna dingin a zangh nuamden ten innkuan ki vak zawhna in nei uhhi. Ih siamna, i ukna ciat tawh nuntak nuamsa ding cih pen mi khempeuh lunggulh ahihi. Lunglutlo pipi, ei ukna lah hilo na sepsep pen baih hetlo hi. Khangnote aw na siamna, na ukna uh tawh na nuntaak nop uhleh Topa zahtak in, na siamna te uh mite nop tuampih hisak un. Ka minam Zomi khangthakte aw i siamna Leitungbup ah i minthanpih zihziah ding bel theikhang i nuntakpih ngiat ding lunggulh mahmah ing. Lungdam.