Music tawh kisai kei’ muhkhak tawm ~ Lengtong Pauno

Music tawh kisai kei’ muhkhak tawm ~ Lengtong Pauno

(Zomi sungah) Kaneulai in Tape Recorder, Radio Cassette cihte omnailo a, la uuk, la ngainuam zanuam kahihmanin, BBS (Burma Broadcasting Service) akici, Voice of Myanmar (ျမန္မာ့အသံ), Chin Program (ခ်င္းအစီအစဥ္) bekmah langaih theih nading kathei hi.

Rangoon University ah zong, Guitar siam Khalkhate Clifford Van Thang acihte pawl amin ka zangei hi. Tedim mite En Lamh Cin acih pa bekin, Guitar Rhythm tawmtawm tumthei hi, ci vial hi, cih akigen zong zangei ing.

Ka khua, ka pawlpi sungvua ka zatding uh Music, Double String Guitar khat leiding ci in ka U Thawngkim in Ks. 250/- man lel khatpen, upna kamciam tawh hong vaihawm hi. 1970 kiim hi.

Ka khuapih te’n bangdinga ngaihsun uh ai’tam? a Guitar zang 12. hong tun’teh, Double String nacih uh, Ngiithaa hilel lo maw!…. ci in phun ngeiingaii uhi.

Lengtong late kaphuahma, kakhumma uh’n, Zomite’ lasak khempeuh pen, Guitar chord 3 bek akizangh ahi hi. Em, Am, Bm, Dm cih khawng hong zang masa Lengtongte kahi uhi.

Zomi Music hunpi khat akheekzo kahisam uhi. Hong kiphat kahikei a, hongkisial kahi hi. Ka lungdam, Munkhai’pa (Lengtong Pauno)

Video: LIVE: A Tamzaan Lungtang: Kum 50 cin Album (1962 – 2012)

https://www.youtube.com/watch?v=h6xEqFaFn9k

Lengtong ii laigelh Comments pawlkhat:

Thawn Kham: hi lua ei U. tam pi nei lai ni teh ong beh lap lai ve

Lungdeih Sinthu: Tuuhun a lasiam khangthak pawl khat te’n zong namkhat beek hong khek zo uhleh pu latuulpi pa lengtong pauno a baanzo pan ding in ka um mawh hi.

Lengtong Pauno: Bangmah theih le tel neilopi mah a, 1970 khawngpan la kong phuah zanzann leh Topa’n thupha hongpiak Zomite ihi kha khelkhel hi.

Lamsuanthang: Tungnung Thupi mama ei syepa kei na fan khat hing ei na laa te ngaih nuam sa thei mama ing GOD BLESS YOU

Andrew Nun: Laibu in ong bawl sawm vet le teh ut huai lua ei Pa Pau. Labupi bek hi lo tangthu bupi khat hi teh nang mahmah zong. Lai na sim zawh lai, na gelh zawh lai, tekta teh cihna hi kei … Laibu ong at ong gelh sawm ngiat oh Pa Pau. Na U (Sia Thawng Kim) tawh na ki thuahnate Music vai, Gospel vai,… tua khawng zong zak nop mahmah ding hi. Ka lungsim ah om ngiat ei hih thu.

Lengtong Pauno: Theu Mang Za Suan, Cin Khen Mang, Ciin Khawm Cing, Ning Khua Hau ih sakmi cih khawng zaden ing.

Siam Pu: Lengtong teng lakah thungen leh lai mal gelh zongh siam pen ding in hong um ingh.

Sang Pu: Tuni ciangdong Nang late akhengkhia onnai kei ei!!!!! Onghanciam inla Gamngaih nala te ongkhumkik dihooooo…