Malaysia, Muar ah Passenger Bus leh Lorry kiphukha, mi 3 si in 25 liam

Malaysia, Muar ah Passenger Bus leh Lorry kiphukha, mi 3 si in 25 liam

Malaysia, Johor State sung aom Muar Town huamsung ah Passenger apua Express Bus khatleh Lorry mawtawpi 2 kiphukha ahih manin, mi 3 in sihlawh cih Bernama News pan kiza hi.

North – South Highway (south-bound) lamzikpitung Pagoh Exit geinai aom km142.4 na ah tuni Sunday ni in atuahsia ahihi. Hih Bus leh Lorry Accident tuahsiatna ah asi mi 3 tepen Bus tungah atuangte vive kici hi.

Hihvai tawh kisai in Muar Fire and Rescue Department senior assistant officer Marzuki Ismail in agenkhiatna ah sunlam 1:08pm hunpawl in Passenger Bus leh Lorry 2 kiphukha cih huhngetna Distress Call hongki zasak hi ci’n genkhia hi.

Muar Fire Station leh Bukit Gambir Fire Station panin meiphelh mawtaw Fire Engine akigawm in 5 tawh kidelhpah in, Firefighter zong akigawm in mi 13 bangin aphual ah delhpah uhhi.

Video: Three people died in an accident involving an express bus, a container lorry and a tanker near the Pagoh exit at the Pagoh North-South Expressway south bound. The bus driver, identified as 50-year-old Shuaib K.K. Mohammad from Kampung Kurnia Jaya, Kamunting in Perak, was one of the victims

Hih tuahsiatna ah asi mi 3 pen numei 2 leh pasal 1 ahihi. Pasal papen Express Bus Driver hi a, aminpen Shuaib K.K. Mohammad kici in, kum 50 aphakhin khat ahihi. Numei 2 asi tepen Driver pa ii anunglian ah atute hi uh a, tua numei 2 tepen kua cih amin apuam ki pulakkhia nailo uhhi.

More: Malaysia palik khatin numei khat alet hiathuat laitak Photo kithehzak

Asi mi 3 banah Passenger sungpan aliam bekbekzong mi 25 bang pha uh cih kiza hi. Muar lamahzong Zomi nasem pawlkhat omthei himahleh, hih tuahsiatna ah kuamah kihel samlo hileh kilawm hi. Sawltak #zomidaily