Malaysia, Cheras ah mikhat mawtaw sungah meikanglum

Malaysia, Cheras ah mikhat mawtaw sungah meikanglum

Malaysia, Cheras vengsung ah zanni Tuesday ni in mawtaw khat meikang a, asungah aompa zong meikanglum cih NTS pan kiza hi. Taman Megah, Cheras vengsung ah zanni 5:30pm hunpawl in thupiang hi a, banghang in hih mawtaw meikang cihpen hih thuthang akigelh laitak in kitheician nailo hi.

Mawtaw meikat ageipan amu khat ii genna ah mawtaw sungah atupa pen asungah awkcip cihi. Agei aom mipi te’n hotkhiatsawm uh himahleh meikangpen manlangtak in kuanggawp ahih manin, ki honkhiamanlo in kanglum cihi.

Kajang Police Chief khat ii genkhiatna ah hih mei tawh akanglumpa pen kua cih ki gencian theinailo cihi.

Ahi zongin mawtaw a nambat tawh Checking akibawl ciangin aneipa pen kum 52 aphakhin khat ii mawtaw hi a, aomna Address pen Taman Murni Batu 9, Cheras in ki ciamteh cih kiza hi.

Aluanghawm pen Kajang Hospital ah kipuak a, aluanghawm kikheiding Post-mortem kibawlcianding cihi. Kajang Police te’n athu akancian laitak uh ahihi. ZD Sawltak #zomidaily