A ngaihsuthuai thu pawl khat ~ Thang Khan Lian

A ngaihsuthuai thu pawl khat ~ Thang Khan Lian

*Mi hoih hih ding hanciam in la, mi hoih in.
Mi hoih na hihna lahkhiatna dingin hun sot toto kei in la,
Na hun khempeuh beisak kei in.

*Pasal khatin numei pen khat vantungmi ding bangin
Ngaihsun in a deih leh..
A omna ding vangam a bawlsak masak kul hi.

*Na khat peuhpeuh a hoih lamin na san/lak theihna dingin
Na lungsim sinna/tentan (training) pia den in.

*Hih khialhna na neih ciangin tuahna tawh theihna (experience) hong khangsak a,
Hih khialh kik ding hong tawmsak tuam hi.
Na hih khialhna panin na sin theih ciangin,
Na tuahphatna leh lawhcinna panin
Mi dang ten nang tung panin hong sin ding uh hi.

*Shakespeare in, “Khedap nei loin ka om ni-in ka kap a,
Tua lai takin khe nei lo khat ka muh leh ka kah ka tawp hi,”
na ci ngei hi. Nuntakna pen tuahsiatna i tuah zelzel hangin
Thupha tawh kidim den a, a tamzaw in i thuphate sim ding kimangngilh den hi.

*I nuntakna ah a ciamtehhuai thu nam nih om hi:
(i) Nang bek na om ciangin na ngaihsutnate (thoughts) kem cing in la, uk zo den in.
(ii) Mi dang tawh na kikholh ciangin na kampau kidawm in,
Pau leh leh pau loh ding hun ngaihsun masa in.

*Mi khat peuh tungah kinga (depend) lua kha in.
Khasiatna tawh na kidim den ding hi.
Khuamialna ah na liim (shadow) nangawn in hong taisan hi
Cih mangngilh kha kei in.

*Nuntakna ah i lak kik theih loh leh ngah kik theih loh om a,
Tuate mangngilh ken. Tuate pen:
(i) Na kampau khiatsate
(ii) Hunhoih na lap loh/khaksuah khakte
(iii) A beisa hunte
(iv) Mi’ hong muanna na khahsuah ciang.

*Leitungah buaina lianpi nam nih om hi:
(i) Mipilte pen kimuanlahna (doubts) tawh kidim uh hi.
(ii) Mi haite pen a khengvalin kimuang (overconfidence) den uh hi.

*Leitungah a lungdamhuai mahmah thu khat om a,
Tua in : Nang hangin midang ten lungdamna a ngah theihna hi.

*Thu khat peuh na gen ding ciangin hih thu ngaihsun masa in:
Dai takin na omna sangin na kampau khiatte in midangte adingin phattuamna a ngah theih ding/a man nei zaw ding ahih ciang bekin pau khia pan in.

*Thungetna hun ding na ngah leh
Pasian in na thungetna zakna dingin
Hun hong pia ding hi.

*Nuntakna a hamsat ciangin thungen in la,
Nuntakna a nop hun ciangin thunget ding mangngilh tuan ken la,
Na lungdamnate ko khial kei in. Thang Khan Lian