Malaysia MRT Consturction puahkhapna pan aliam mi 3 te lakah khat sita

Malaysia MRT Consturction puahkhapna pan aliam mi 3 te lakah khat sita

Malaysia MRT Construction Site ah zanhal Monday ni in apuakkham khat om a, mi 3 tak nakpi in liam uhhi. Tua aliam mi 3 te lakah khatpapen zanni Tuesday ni in sita cih theSun pan kiza hi.

Hih Malaysia (MRT Mass Rapid Transit) Construction Site ah nasem aliamte pen gamdangmi vive ci uhhi. Adang aliam mi 2 tezong huaisia mahmah, thuaklah mahmah uh a, zato ah Critical Condition in aki keplaitak hi ci’n MMC – Gamuda te’n Statement ah khahkhia uhhi.

Hih gamdangmi nasem aliam 3 tepen Kuala Lumpur Hospital ah akipuakcil in bangmah patauhding omlo, Stable Condition kici hi. Ahi zongin zankhatthu in gimgawp uh a, Critical Condition tungto in, aliam mi 3 lakah khatin liamma tawh hongnusia ahihi ci’n Statement ki pulak hi. Hih apuakkham pen Second World War hunlai in akizang Bomb te na omkha in, tua panin apuakkham hiding kici a, thunei te’n hoihtak akancian laitak kici hi.

Malaysia ah leitung galpi nihlai a Bomb te khat puakkham, mi 3 liamgawp

Malaysia, Kuala Lumpur sung aom meileng lampi kibawlna Bandar Malaysia MRT Construction Site ah zanni Tuesday nitaklam in apuakkham khat om a, nasem mi 3 liam uhhi. Tua aliam mi 3 te lakah mi 2 tepen akhe kitan uh a, adang khatpa pen akhut leh akhe kitan hi.

City police chief Comm Datuk Amar Singh in agenkhiatna ah tua MRT meileng lampi bawlna Construction Site ah apuakkham pen leitung galpi nihna “Second World War” hunlai in acianlai Bomb te panin apuakkham hiding hi ci’n genkhia hi.

Meileng lampi dingin leisung akitawhna panin apuakkham hihtuak a, Tuesday nitaklam 5pm hunpawl in thupiang ahihi. Atuahsia mi 3 tepen limliam mahmah, akhut akhe kitan in, Hospital Kuala Lumpur ah zatui kibawlding in kipuakpah hi.

Hih apuakkham Second World War hunpan akinusia Bomb pen bangnam te cih City Police Chief in pulakna neinail hi.

Related: Leitung Galpi thumna pian nading panin a kham zo pa

Nitaklam nasep mankhit ciangin thakhatthu in apuak khamvat kici hi. Hih apuakkham Bomb pen bangnam te hi a, bangci bangin puakkhamthei cihtepen Police te’n akician in kansanlai uh cih Bernama pan kiza hi. Sawltak #zomidaily