Thuthak Tomkimcing 28 Nov 2014
A. India – Myanmar gamgi Tamu khua pan sum lutzah
2014-2015 gambup kumsum hun ahi April pan Oct kha dong Tamu khuapi pan in India tawh kizom vaan namtuamtuam kilei kizuakna ah $ 25.700Million ngah khin lamet ciangtan nasang in 6 Million val khenglet to hi. India pan in Cycle, Mangbuh, Electric van zat namkim leh Zato vaanzat ding zattui, zahaa nam kim tam pen hi. Myanma pan in ahih leh Neek leh dawn lam tawh kipawl vaan tam pen hi. Individual Trading Card-ITC anei te in khat vei in tul zakhat man ta ding vaan zuak thei leei thei ahihi.
B. TYF te Zogam leitang vai galdo kipan ding
A beisa galkap hunlai in Galkapte in a leitang a laksak khua 10 ah leitang neite tungah thudong in a hih theih zah in vaihawm sak ding cih thu kiza hi.
December, 2014 kipat pan kipan ding uh a, Leitang laksak a thuakte kiangah pai in thudot nanei ding uh aa khuakhat ah inn 12ta dotna neiding uh hi. A kuankhiat nading khuate in1. Teklui 2. Tualzang. Lailui, 4 Tuilang 5. Lailo 6. Khaikam. 7. Kimlai 8. Theizang 9. Phaitu 10. Tuitum khuate a hihi. Hihtawh kal 1 hong suan tophotding uhhi.
Hibang honggel khiat uhpen ii lungdam mahmah hi.Zomi a kua maciat in a semding TYFte kal khat khit kalkhat a suan nading vuah thunget natawh phawkciat ni.
C. Philae Khazau leeng pan thuthak
Van hawmpi sung om Khazau comet 67/P tung ah beisa kalnih hun lai in ava hawh lengla Philae set tung ah Cabon tawh kibawl vaan nam pawl khat mu khia cih Pilsiamciim te mu khia hi.Philae tung ah silsiam theihna (labotatory) Ptolemy kici ki koih a, tua pan in phincil tak thudik mahmah thuthak thei khia hi.
Hih Khazau thung ah nuntakna anei thei khuasak theihna mukhia hi. Philae pen khuzingsung ah lut kha ahih man in nitangtha ngah lo ahih man power neih loh hun ciang bang mah sem thei lo ding Pilsiamciim te lung hi mawh hi. Hau Thang
Comment piaknop aomleh...