US California sanginn khatah thaukikapna piang, mi 2 si in 2 liamgawp

US California sanginn khatah thaukikapna piang, mi 2 si in 2 liamgawp

USA, California Elementary School khatah Monday ni in thau kikapna piangin ni 2 si a, adang sangnaupang mi 2 zong liamgawp cih Fox News pan kiza hi. San Bernardino, North Park Elementary School ah Monday ni in thupiang hi a, Police te upmawhna ah Murder-suicide hiding ci uh a, aliam sangnaupang 2 tezong amanlang in zato ah kipuakpah uhhi.

San Bernardino Police Captain Ron Maass ii genkhiatna ah thautawi muanmawh “Suspect” pen pasal hi a, North Park Elementary School ah Instructor asem numei khatkiang ah ahawh cihi. Classroom sungmah ah tua sangsia Instructor numeinu pen thautawh kaplum in, tuakhit ciangin amahleh amah kikaplum cihi.

Thautawipa in sangsiamahnu kaplum masa in, tuakhit amahleh amah aki kaplupma in sangnaupang 2 zong liamsakkha citciat hi.

Police Officials te’n tua thautawi Suspect pa ii amin apuam pen pulakna neinailo uhhi. Ahi zongin tua kaplup athuak sangsiama Instructor leh thautawipa pen bangcibang in kizopna Relationship omhiam cihpen akansan laitak uh ahihi.

Police Captain ii genbehna ah sangnaupang khatpen Helicopter tawh amanlang in zato ah kipuak a, akhatpen Ambulance mawtaw tawh zato ah kipuak cihi. Anih un ngimngawh mahmah uhhi. Ahi zongin hih sangnaupang nihtepen ngimin Target in akikap hiloding ci a, aki kapkhialkha hiding in ki ummawh hi.

Hih buaina pen Monday zingsanglam 10am (Local Time) in thupiang hi a, thautawipa pen Front Office panin alut ahihi. Classroom sungah lutsuak in, thau apuaklam pen kuamah genkhialo hi.

Hih North Park Elementary School sanginn ah buaina apian ciangin adang sanginn Hillside Elementary School leh Cajon High School nihtezong kikhakcip phot hi.

Sangnaupang adangte pen bangmah liamna omlo in, California State University San Bernardino ah avek un kipuakphei a, nulehpa te’n tuamunpan dawnthei hi ci’n thunei te’n genkhia uhhi.

Hih buaina apianna North Park Elementary School ah sangnaupang pen Kindergarten pan Grade Six dong akigawm in 600 bang sangkah in aom ahihi.

More: France gamsung High School khat ah thau kikapna piang, mi 2 liam cih kizaphot ~ ZD

Police te’n thautawipa pen amahguak hiding, thautawi adang kipawlpih neiloding ci’n ummawh uhhi. Sangnaupang tampi hih sanghuangsung ah aom himahleh adangte kikapkhalo ahih manin phadawmlai hi. Zomi te aki helkhaloding in lamen hang. ZD Sawltak #zomidaily