Harley-Davidson panin abawlkhiat Motorcycle 251,000 te Brake hoihlo ci’n Recall kibawl
Harley-Davidson te’n abawlkhiat, azuakkhiatsa Motorcycle 251,000 te Brake hoihlohna om ahih manin, Recall bawl uh cih Bernama pan kiza hi. Harley-Davidson cihmawk pen 1903 kumpek in USA, Milwaukee, Wisconsin ah aki phuankhia American Motorcycle Manufacturer minthang mahmahkhat ahihi.
Tua Recall abawlkik uhte lakah CVO Touring leh VSRC Bikes te kihel a, 2008 kumpan in 2011 kum kikal in abawlkhiat Model te ahihi ci’n China’s Xinhua News te’n pulakkhia uhhi.
Harley-Davidson te ii Headquarters zong Milwaukee, Wisconsin ah aom hi a, hihbangin Brake hoihlohna tawh Motorcycle Recall abawlna hangin Company supna US$29.4mil (RM115.4mil) bang omding hi ci’n Milwaukee Journal Sentinel te’nzong pulakkhia uhhi.
Motorcycle Recall akibawl pen avekpi in 251,000 bang hi a, tualak ah United States gamsung ah akizuakkhia pen 175,000 bang phading ci uhhi. Tualo adangdang tepen US gampualam ah aki zuakkhia ahihi.
Brake ahoihlohna ahangpen Anti-lock Brake System tawh akizom in asia, Warning lah cihbang omlo in siathei cihi.
Hih buaina vaitawh kisai in abeisa 2016 July kha akipan “US National Highway Traffic Safety Administration” te’n kancian akipat uh ahihi. Hih Brake hoihlohna tawh Complaints akibawl vekpi pen 43 veibang phakhin hi. Tualak ah 3 vei akibung omin, mi 2 liam uhhi.
More: Kalaymyo, Singunau vengsung ah Motorcycle kitaih, mi 1 si
Pawlkhat buaina tepen Brake Fluid hangzong hi a, kum 2 simin laihzelzelding himahleh Motorcycle anei pawlkhat in laihlo ahih manin, tuahang inzong buaina akipan, Brake hoihlona akipan kici hi. Sawltak #zomidaily
Comment piaknop aomleh...