Mawtaw 2 kiphukha in agei aom Motorcycle 12 te nawksiagawp

Mawtaw 2 kiphukha in agei aom Motorcycle 12 te nawksiagawp

Malaysia, Port Dickson ah mawtaw 2 kiphukha masa in, tuakhitciang Motorcycle tampi nawksiagawp cih NST pan kiza hi. Saturday guah atam mahmah laitak in thupiang hi a, Motorcycle tepen Flyover lei nuaiah guah azuk ciangin akibu in aom uh ahihi.

Port Dickson, North-South Expressway lamzikpitung KM259 ah nitaklam 2pm hunpawl in thupiang hi a, hih tuahsiatna hangin mi 1 bek liambilbel hi.

Agei ah amukha Witness khatin agenna ah guah azukgawp ciangin Motorcyclists tepen Flyover nuai ah akhawl uh ahihi. Motorcycle hawlte pen apamdeuh aki umna Railing nungah adinguh ahih manin, mawtaw in nawkkhalo bilbel cihi.

Ahi zongin mawtaw 2 aki phukha te in tua Motorcycle akhawl dimdemteng nawkpheigawp in, Motorcycle 12 bang kisiagawp cihi.

Hivai tawh kisai in Seremban police chief Assistant Commissioner Thiew Hock Poh in hibangin genkhia hi; numei kum 23 aphakhin khatin mawtaw ahawl hi a, guah azukgawp ciangin tui kivunggawp hi. Tui akivung khat anawkphei khitciangin hoihtak hawlthei nawnlo, Lost Constrol in kipeigawp cihi.

Tuaciangin lamzikpi akikhenna Road Divider phuphei a, lamzik Lane khat khakcip hi. Tualaitak in tua lamzik Lane azui in apai SUV mawtaw khatin ahunlap in Brake sikthei nawnlo ahih manin, tua numeinu mawtawhawl pen phuphei hi.

Tuaciangin mawtaw anih in kilawnphei in, lamgei lei nuiah akikoihpak Motorcycle teng anawkpheigawp ahihi.

More: Kuala Lumpur, Jalan Duta gei ah Accident piangin Motoryclist khat sipah

Motorcyclist tepen Motorcycle khawlna panin kigamla bilbel ahih manin, tuate lakah khatbek liamhi. Tua aliampa pen Tuanku Ja’afar Hospital (HTJ) ah zatui Treatment kibawlding in kipuak hi ci’n Police Chief in genkhia hi. Sawltak #zomidaily