ZYA pan Coronavirus tawh kisai thuzaksakna
1. ZYA omna khua le veng khempeuh in gamdang pan hong ciah i omle veng hausa/ khua hausa tung zaksak hamtang ding. Tua in na minampihte bit zawk nading ahi hi.
2. Tulai natna hang tawh pawlpi kikhop teng kikham ahih manin ZYA Kalsim lai hawm ZYA Weekly News pen pawlpi kikhop na a kihawm khia ahih tawh kizui in hawmzia ding hong lemnawnloh natawh tawmvei ki khawlphot ding hi.
3. ZYA omna khua le veng teng ah hih pulnatna hang tawh cimawh, dongtuak, le haksatna tuamtuam i thuak khakle akhuakhua, a vengveng zui in kithu za in ih mapan toh khawm ding le i ki thuzak tuah ding ki theisak phapha nuam hihang. ZYA HQ, Kalaymyo, March 24, 2020
Corona Pulnatna (COVID-19) natna tawh kisai theih huai thu
Hih natna mihing tung atun teh a nuaia bangin hong piangding hi.
1. Ni 1 pan ni 3 sung – Cisa tawmtawm om ding, gawl na hiauhiau ding, lutang zong na hiauhiau ding
2. Ni 4 na – Cisa tawmtawm mah om ding, lutang nazaw deuhdeuh ding, gawl zong nazaw deuhdeuh ding, nekledawn kam lim nawn phalo ding, sungpai ding
3. Ni 5 na – Gawl hong namahmah ding, annek teh zong nading, tuidawn le cin zong nading, pau le cin zong nading, khutlekhe te hong nading, pumpi tawlin tha beiding
4. Ni 6 na – Cisa omding, gawl na mahmah tading, khuh hong suakding, nak hak sading, khutlekhe nasemsem ding
5. Ni 7 na – Cisa 100 val hong omding, nak khuh mahmah ding, khuh teh khaksawh hong omding
6. Ni 8 na – Tha omnawn vetlo in, tawl mahmah in, nak haksa sa mahmah ding
Atom in, Cisa ding, gawl na in khuh suak ding tuakhit teh tawl in tha hong beile a naipen zato, sikhan(clinic) ah pai pah in.
Original: Dr Zin Min Tun genpan kilet khia hi. Zomibup ahun lap in kidop theih nading deihsakna tawh. ZYA HQ, Kalaymyo, March 25, 2020
Comment piaknop aomleh...