Mopawi lungdam pihna ~ Joseph Hon leh Esther Maman

Mopawi lungdam pihna ~ Joseph Hon leh Esther Maman

Abeisa Oct 18,2014 ni Full Gospel Assembly Tulsa ah Tg.Joseph Thang Hon Siang @ Joseph Hon leh Lia Esther Cing Hau Maan @ Esther Maan te pumkhatsuahna thupitak leh picingtak in kibawl thei.Hih pawipi sungah Rev.Pau Khan Mung in hun uksem in,Rev.Dr. Dam Suan Mung in pumkhatsuah na piahi.Pawisim ding in Tulsa khua sungleh USA gamsung State tuamtuam pan ong kipai in ki lungdam pih mahmah hi.

Hih pumkhatsuahna pawipi sungah adiakdiak in tukum Zomi Idol USA ah gualzawh na angah ahi Zolia Paalnu leh Zomi sungah Guitar siam khat ahi Khawltawng(honpi u) te in pahtawi nala ongsa uh a,mipi in siamkisa thei mahmahhi.Tua banah Tennesse pan a ongpai ahi Mangpi leh Mangpu te in zong amau phuahtawm ngiat la hoih mahmah tawh pahtawina ongnei-in a uap mimalkim in tha kingah inki nuiziahziah hi.FGATulsa Youth te in zongpahtawi la ongsak khit teh Intek thugenna Sia David Khenno in ongnei hi.Mopa’n zonglungdam koh nathu onggen khit teh Rev.Vung Za Niang in nekleh dawna ding thunget ongneih khit teh mo te ongpusuak in mote khut sahkawm in mipite sia inn lamah monu mopa te innkuan ong vak ahi sen anlim mahmah ki ne in gilvah tak in inn lam ki zuan ciathi.

> Tg.Joseph Hon pen tulaitak in FGATulsa Youth ah makaipi asep laitak hi-in,lia Esther Maa Maan zong khangno sung leh pawlpi sungah ahih theih zah ma khat ahihi.Topa’n nupa thak te thupa ongpiak sak henla khankum khua sawt in vondeih zatam tawi ding in thupha ongpiak sak tahen. Amen. FGA Tulsa