US gamsung ah misi te ii pumpi azuak sumbawlkhat kum 9 thongkiading in thukipia

US gamsung ah misi te ii pumpi azuak sumbawlkhat kum 9 thongkiading in thukipia

US gamsung ah misi te ii pumpi Body Parts tuamtuam azuak kawikawi sumbawl pasalkhat kum 9 thongkiading in thukhenzum in Tuesday ni in thupia cih Reuters pan kiza hi. Tuabangin misi te pumpi azuakpa pen Detroit Businessman khat kici a, zatui lamsang laihilh ahi “Medical Educators” te tungah azuak ahihi.

Tuapa minpen Arthur Rathburn kici a, kum 64 aphakhin khat ahihi. United States gamsung ah hihbangdan mihing pumpi kizuakna vaitawh kisai in National Investigation akibawl pen hihtawh athumna hita hi. FBI (Federal Bureau of Investigation) te’n mihing pumpi kizuakna “Body Brokers” vaitawh kisai in Illinois, Oregon, Colorado sungteng ahzong Search Warrants bawl uh cihi.

Hih akimanpa Arthur Rathburn in abeisa 1997 kumpanin 2013 kum kikalsung in misi te pumpi “Human remains” tuamtuam azuakna leh akawmsakna hangin sum $13 Million bang ngahlawh hi ci’n Prosecutors te’n genkhia uhhi. Tua misi pumpi tepen Science ah akipiakhia Donation akibawl hi a, tuatengpen summet bawlna in azang ahihi.

Detroit City sung aom tuapa ii innsung Warehouse ah Freezers tampi kikoih a, tuate sungah misi te ii apumpi Body Parts tuamtuam kikhol venvan hi ci’n FBI Agent khatin genkhia hi.

Tuabangin misi te pumpi akepte lakah Kankakee, Illinois aom Tracy Smolka ii apa pumpi zong kihel hi. Apa pen Randolph Wright pen 2010 kumin asi hi a, asihzawh kum 3 khitciangin apa ii alutang pen Arthur Rathburn ii Warehouse sung aom Freezer sungpan FBI te’n mukhia uhhi.

Tuabangin apa lutang Freezer sungah zuakding in akeppen Tracy Smolka khasia mahmah a, Hell sungah kangtumcip in, Hell sung natun ciangin dawimangpa kiangah kei kongpuak hi ci’n genhamtang in ci’n hehlua in paukhia hi.

More: Hong Kong ah nupi khatin atanu thatlum in apumpi semzangawp

Kumpi thukan te muhkhiatna ah tuabangin misi pumpi azuak ahi Arthur Rathburn in abeisa 1997 kumpanin 2013 kikal misi te pumpi pen 120 vei bang zuakdinghi ci’n genkhia uhhi. Misi pumpi azuakpa Arthur Rathburn in ahihleh hihbangin agamtatna pen mulkim ngaihsut hetlo in, kisikna zong neituanlo ci kiza hi. Sawltak #zomidaily