Lungnopna hong piathei lawmhoih tampi nei in

Lungnopna hong piathei lawmhoih tampi nei in

Pasian kiangpan cihloh Leitungah lungnopna hongpia thei taktak pen lawm tampi neihna a hihi. Lawm te tawh lungdamtak aa ki kholhkhop ziahziah mah a nuampen a hihi. Leitungah tuazahval lungsim suahtakna omlo hi.

Ut le deih kibanpih teng kikhawlding cih ngaihsutna pen zekai luata hi.

Lawm neihna dingin:

Maingap huai in. Pilvang in. Na ngaihsut kholhloh kammal te kidawm in. Midang te kiangah lawm suahsawm in. Na lawmte a mintawh na hopih theih ding hanciam in.

Khatguak om ngeungau kei limlim in. အားကစား စိတ္ဓာတ္ nei in. Na zawhna pen milelhna hi aa, mi dangte in hong zawhna zongh nang ii lelhna hi kik hi.

Lungsim picing sak in. A hoihlam ngaihsun in. Nangma dan/zia khat nei se in. Na ki kholhpi te lungsim nop nading ngaihsutsak in. Na khempeuh ah hancianna nei in. Lunggulh a thak nisim in nei den in. Midangte kammal hoihtak ngaihsak in.

Ngaihsutsa in kampau in. Midangte khatguakvai ah saila se kei in. Lungsimtakpi tawh milakah na lawmte phat thei in. Ki phatgawp kei inla kam tamlua kei in. Midangte zia, midangte lungsim na theihzawh nading hanciam in.

Na lawmte in hong nusiatpahpahloh ding na utleh:

Midangte maiah a hoihlohna selsim inla, a hoihna sunsun tawh phat in. Nih guak na om uhciangin a hoihlohna teng pulak in thu hilh ciatciat zaw in. Siamsin Library