Mihing tawh akibang ganhing lamdang tawh kisai palik te pulakna
Malaysia, Pahang State sung aom gamlak ah mihingmel tawh akibang ganhing lamdang “mysterious creature” khat kimu hi ci’n nungsungteng Social Media ah minthang mahmah hi. Ahi zongin tua ganhing lamdang pen Pahang gamlak pan akimu hizenzenlo hi ci’n Police thunei te’n genkhia uhhi.
State police chief Datuk Rosli Abdul Rahman in agenkhiatna ah Social Media tungah akithehzak ganhing lamdang “strange creature” pen Malaysia, Pahang State sungah thupiang kici a, tuapen thumanlo hi. Hih limpen Internet tungpan in akilasawn hikhading hi.
Pahang Police te’n hihbangdan thulamdang, ganhing lamdang om cihtawh kisai in bangmah zakna leh Report akibawl omlo hi. Khuasung mipi te’nzong atheikha omlo hi ci’n genkhia hi.
Hihvai hoihtak aki kancian ciangin hihlim pen Internet tungpan in aki Download hi a, tuakhit ciangin Social Media ah ki khahkhia in, Pahang State sungah akimu ci’n aki phuaktawm ahihi. Public mipi te’n hihbangdan thumanlo pen khawlbawl tadingin ka lamen uhhi ci’n State Police Chief in genkhia hi.
Hihtawh akibang lim “Novelty Toys” pawlkhat pen gamdang Website tungtawn in akizuak om a, “Silicon baby werewolf” zong kici hi.
Related: Christian Hymn te’ tangthu: Ka Zai Deih Aw, Va Leeng In
Thursday ni akipan hih ganhang lamdang Photo pen Internet tungah aki thehzak ahihi. Hih Photo akhahkhia pawlkhat te’n Pahang gamgi aom gamlak Forest sungpan in ahingin akimu peuh cimawkmawk uh ahih manin, Pahang State Police Chief in gencianna anei ahihi. Sawltak #zomidaily
Comment piaknop aomleh...