Mexico gamsung zato innkhum tungah misiluang kikhiatsuk

Mexico gamsung zato innkhum tungah misiluang kikhiatsuk

Mexico gamsung aom zato innkhumtung ah siluangkhat kimu a, tua siluang pen vanleng tungpan in aki khiatsuk hiding cih Mirror News pan kiza hi. Mexico gamsung guihtheih khamtheih azang atam mahmahna Sinaloa State, Eldorado khuasung aom IMSS Hospital innkhum tungah Wedensday zingsang 7:30am hunpawl in akikhia ahihi.

Hih misiluang akikhiat laitak in agalmuh Witness te genna ah vanlengkhat niamlen mahmah in, zato innkhumtung atun ciangin mikhat khiatsuk cihi. Tua aki khiatsuk pen pasal hi a, asisa in aki khiatsuk ahihi.

Sinaloa’s Deputy Attorney General Jesus Martin Robles kici ii genna ah Hospital Roof tungah misi luangkhat kimukhia a, apumpi tungah liamna tampitawh kidim cihi.

Public Health Service Official te genbehna ah hihlo adang misi luangnih zong Culiacan khua panin Tai 40 agamlatna ah kimuhbeh hi ci’n genkhia uhhi.

Mexico Local Media te genkhiatna ah tua adang misi nih akimu te zong vanleng tungpan mahin aki khiatsuk hiding ci uhhi.

Hih misiluang akikhiatna munpen lo kikhawhna Agricultural Area hi a, vanleng pen ki tamzatlo, lokhawhna te ah zatui thehna khawngbek in kizangzaw hi ci’n Official te’n genkhia uhhi.

Local Media te’n agenna ah tua adang misi luangnih akikhiat tepen migilo Gang Members te’n tawm uhhi ci’n genkhia uhhi.

Sinaloa pen Mexican guihtheih khamtheih Drug Lord aminthang mahmah ahi El Chapo ii khankhiatna khuakhat ahihi.

More: Mexico khuasung meileng tutna pawlkhat te pasal pumpi bangdan in kibawl

Drug lord El Chapo pen 2016 kumin kiman a, tukum kipatcil lamin US kumpi tungah ki ap cih kiza hi. ZD Sawltak #zomidaily