Malaysia, Melaka aom suangmanpha zuakna kibuluh, RM200,000 manneiding kigukhia

Malaysia, Melaka aom suangmanpha zuakna kibuluh, RM200,000 manneiding kigukhia

Malaysia gamsung ah damiah migilo te’n suangmanpha zuakna “Goldsmith Shop” khat buluh leuleu uhhi. Hih akiluh pen Melaka, Bandar Jasin 2 aom Goldsmith Shop khat hi a, Friday zanlam in akiluh ahihi.

Hih Goldsmith Shop saisungah guta alutleh akitheih nadingin Alarm System hoihtak kithuah in, CCTV bekbekzong akigawm in 10 bang akithuah ahihi.

Ahi zongin damiah guta te’n tua Security System te awlmawh helo in, sum leh suangmanpha RM200,000 manding gukhiathei uh cihi.

Hihzah in Alarm System hoihtak in akithuah pen banghangin guta te lutthei veve uhhiam cihleh gutate’n kongkhak te sukha vetlo in, inntungkhuh sikkang te atkham in leukhia uh a, Ceiling panin Jewellery saisung ah alutsuk uh cimawk hi.

Jewellery saisung ah akumsukkhit uhciangin sum leh suangmanpha akikoihna Safe sikbungpi 2 te ii atawhkalhna Padlock te attan in asungah vanmanpha khempeuh aluatkhia uh ahihi.

Video: Another day, another heist: Burglars haul off RM200k in cash, jewellery from Melaka goldsmith shop

Hih Jewellery saineipa in apualam panin asaisung alutdong bangmah theivetlo hi. Ahi zongin Saturday zingsanglam in saihongding in asung ah alut ciangin asai aki luhsak ahihlam theikhia a, tuaciangin Police Report amanlang in bawlpah hi ci’n palik thunei ahi Jasin district police chief Deputy Superintendent Arshad Abu in genkhia hi.

Thunei te’n hoihtak asitcian uhciang in innnunglam Grille Gate panin guta te inntungkhum ah kahto uh a, tuakhit ciangin inntungkhuh Roof sikkang te akkek in Ceiling pan alutsuk cih mukhia uhhi. Alarm System te agingloding inzong Wire khaute ki attat cihi.

More: Malaysia, Kota Damansara suangmanpha zuakna ah damiah lutin RM1.1 Million manneiding puakhia

CCTV zong Jewellery sai ii asung apua ah akigawm in 10 bang akithuah ahih zenzen hangin, guta innluh te’n Decoder nalaksak uh ahih manin, bangmah ettheih omlo cimawk hi. Sawltak #zomidaily