Poland gampan €50 Million leitawi in Myanmar gamsung ah zatding meiphelh mawtaw 65 kileiding

Poland gampan €50 Million leitawi in Myanmar gamsung ah zatding meiphelh mawtaw 65 kileiding

Myanmar gamsung meiphelh nasep asem ahi “Fire Services Department” te’n Poland gampanin sum Euro €50 Million leitawi in meiphelh mawtaw leiding cih Eleven Myanmar pan kiza hi. Photo: 2016 kum Yangon khuasung aom Mingalar Market meikat laitak

Tuasum Euro €50 Million pen Poland kumpi tungpanin aleitawiding “Loan” hi a, tuatawh meiphelh mawtaw ahoihzaw Modern Fire Engines akigawm in 65 ki leiding hi.

Myanmar Fire Services Department panin thunei te genkhiatna ah tulaitak Poland gampanin Fire Engine 11 ki ngahkhin hi. Adang Fire Engine tepen tukumsung in hong tunbeh dinghi. Tua Fire Engines tepen Myanmar gamsung aom States leh Regions tuamtuam ah kihawm kawikawiding cihi.

Hihbangin sumleitawi in meiphelh mawtaw leitheih nadingin pen Deputy Minister of Home Affairs Maj-Gen Aung Soe in Proposal abawl ahihi. Abeisa December khasung in Ministry of Home Affairs nuaipan in Myanmar Fire Services Department adingin Poland kumpi tungpan Euro €50 Million leitawiding vai apulak ahihi.

Union Parliament inzong tua Proposal pen phalna pia uh ahih manin, Poland kumpi tungpanin Euro €50 Million leitawi kila hi. Tua sumte pen ametpai 0.15% Interest Rate tawh kum 5 sungin lohkikding ahihi.

More: Myanmar, Magwe Region sungah inn 150 meikangtum, mi 890 inn neinawnlo

Gamnih kumpi te thukimna Bilateral Agreement amankhit ciangin Fire Engines leh Firefighting Equipments te kum 1 sungin puakding cih ahihi.

Myanmar gamsung ah 11,452 fire Brigade members, 309,612 auxiliary brigade members, 18,672 special brigades, 3,295 fire engines & equipments kinei cihi. Sawltak #zomidaily