Singapore MRT meileng sungah mikibuan 2 te Police te’n kansan
Singapore MRTL meileng sungah pasal 2 akibuan kankan laitak Video Clip ki khahkhia in, Social Media ah ki thehzakgawp hi. Tua Video sungah akihel, akibuan pasal 2 tepen Police te’n kansan laitak cih CNA pan kiza hi.
Sunday (April 8) ni in thupiang hi ci’n Police te’n genkhia uh a, MRT meileng pen apaikawmkawm laitak Cabin sungah adang Passenger te lakah mi 2 akitawng uh ahihi.
Police Report zong kibawlkhin ahih manin, Police te’n athu hoihtak kancianding uh cihi.
Tua Video Clip pen Mediacorp Radio Ria 89.7FM deejay Dzar Ismail in Facebook Page tungah tua buaina Video Clip khahkhia in ki limet mahmah hi.
Video Clip sungah pasal 2 kitawng, kinial masa uh a, tuakhit ciangin Cabin sung mipilak ah apuan a awm panin kimanin kikai vatvat uhhi.
Kamtawh kinial kisel in, tuakhit ciangin kitum kisultuak uhhi. Tuabang in akibuangawp uhciangin adang Passenger te’nzong ki hepkhiatsan diamdiam uh a, Video atawpkuan ah meileng Cabin sungahzong midangteng kihemkhia khinphial uhhi.
Video akhawl madiak in meileng sungah atuangkhawm Commuters te’n khen uh a, akankhiat uh kimuthei hi.
More: Singapore pasal khatin anu buan ahih manin thong kum 16 kiadingin thu kipia
Nidangin mi kibuan, kimitawng, mi kilai vanvan cihkhawng omthei himahleh tulam ciangin khuapisung ah tuabang in ahaigamtat tamnawnlo hi. Tua ahih manin hihbangdan akitawi akilai aomciangin lamdang kisa in, hih Video Clip zong tuciangciang 7600 valvei ki Share khinta hi. Tuaban ah View bekbekzong 335,000 bang phakhinta hi. Sawltak #zomidaily
Comment piaknop aomleh...