Meileng tailai maiah aki taihlupsaksawm numei khat ki lehkaihman

Meileng tailai maiah aki taihlupsaksawm numei khat ki lehkaihman

China gamsung ah “Railway Steward” kici meileng khawlna ah nasem pasal khatin numei khat lungkiattuak leh khasiatna lianpi neihtuaksa ahih manin encik gige hi.

Meileng Station zuanin meileng ataiphei laitak in tua numeinu pen amahleh amah aki taihlumsakding in meileng mailian ah tuahsuksawm takpi hi. Meileng zongpen meileng mawkmawk hilo in, ahat phadiak Bullet Train akici te ahihi.

Tuaciang in Railway Steward pa’nzong delhpheipah in akhutpan lehkaihman ahih manin, tua numeinu pen asiding dinmun panin honkhia theihi.

Tua ahotkhiat laitak CCTV panin ki Record kha ahih manin, tua Video pen ki khahkhia in meileng khawlna ah nasempa in thupitzia akimuh ciangin kipahtawh ngeingai hi.

Video Clip sungah numeikhat meileng atungding angak in ading hi a, meileng atunmadiak in amai ah lengkhiading in taisuk hi. Tuaciang in Railway Steward pa’nzong delhpheipah in, ataklam khuppan mankha bilbel in lehkaih hi.

Numeinu apumpi akiatsukloh hangin akhelam kiasuk veve a, meileng in agawiphei madiak in Railway Steward pa’n akhetawh tektuah in kaikhiaman bilbel hi.

Tua Railway Steward pen khangno tangzang cihzong hihetlo in, kum 54 aphakhin khat ahihi. Aminpen Weng Jianzhong kici a, hihbang in manlangtak in numeinu alehkaihman pen lamdang kisa mahmah hi.

Hih Incident pen nung Wednesday ni in China, Fujian Province sung ah thupiang ahihi. Meileng Station pen Putian City sung atai Xianyou Railway Station ah thupiang ahihi.

Ahonkhiapa in alehkaih ciangin sualtawh alu kitat in ahi zongin anih un aliamgawh cihbang kuamah omlo uhhi. Numeinu pen asidinglian aki lehkaih hi a, aki hotkhiat atheih ciangin nakpitak in kapkhia gawp cihi.

Amahpen sangnaupang hiding in ki ummawh a, kum 20 gualpawl aphapan khat ahihi. Meileng thunei te’n a innkuanpih te sapsak uh a, tuapan in zato ki puaksuakpah hi.

More: China, Beijing aom Public Toilet te ah eklai deihzahzah zat kiphallo

Railway Steward papen thupi kisalua ahih manin Railway Regulations tawh kizui in hansan mahmah cih pahtawina in thunei te’n pahtawina sum Chinese Yuan 6000 (US$870) pia uh cih kiza hi. ZD Sawltak #zomidaily