Malaysia MRT meilengthak nikhatsung atuang mi 142313 pha, 50% Discount kipia

Malaysia MRT meilengthak nikhatsung atuang mi 142313 pha, 50% Discount kipia

Malaysia gamsung ah MRT meileng lampithak ahi MRT Sungai Buloh – Kajang Line (MRT SBK) ahonkhitzawh kilimzat mahmah a, nisim in Passenger atuang tam mahmahden kici hi. Abeisa zanhal Saturday nikhatsung bekbek in hih MRT meileng atuangpen akigawm in mi 142,313 phato liangta cih theStar pan kiza hi.

Hih meilengvai thunei khat ahi Rapid Rail chief executive officer Datuk Zohari Sulaiman Zohari in agenkhiatna ah hihpen Saturday “Weekends” sung hi a, ataktak in nasepni “Weekdays” hileh mi tamzawlai hi ci’n genkhia hi.

Hih Malaysia gamsung meileng lampithak MRT SBK Line (Phase Two) pen abeisa July 17 ni in Prime Minister Datuk Seri Najib Tun Razak in honna neihsak a, Kajang leh Muzium Negara Station kikal amawkna in tuani taisak uhhi. Azingciang akizat masakni nikhatsung bekbek in meileng atuangpen mi 100,000 bang phapah cimawk hi.

Abeisa kumsung MRT SBK Line (Phase One) akihoncil in meileng khakhatsung amawkna Free in kituangthei hi ci’n Prime Minister Najib in pulakkhia a, khuasung mipi te lungdam mahmah uhhi. Tutung MRT SBK Line (Phase Two) pen amawkna in nikhatbek tuangsakmawk uhhi.

Video: Free ride on MRT SBK Line for today, 50% discount for MRT, LRT, Monorail until Merdeka Day – PM

Ahi zongin Prime Minister Najib in meileng tuanman August 31 nidong alang khiamding, 50% Discount kipiading hi ci’n tangko khia hi. Tua 50% Discount apiakding meileng pen MRT leh Rapid KL nuai aom Rail Services ahi Kelana Jaya LRT Line, Ampang LRT Line, Sri Petaling LRT Line, Monorail cihte ahihi.

Malaysia gam ii suahtakna ngahni Independence Day ahih keileh Merdeka Day pen August 31 ni hi a, tuani madong Public Transportation Service lakah meileng atuang khempeuh alang kikhiamding, 50% Discount kipiading cih thuhoih kiza hi.

Related: Singapore Hotel inndawl 15 panin kiasuk in alu leh apumpi kikhenkhia

MRT SBK Line (Phase One) pen Sungai Buloh leh Semantan Station kikal hi a, abeisa kum December 15 ni in Prime Minister Najib mahin honsak hi. Tua Phase One akihon hunlai in amawkna in akituangsak himahleh animasa ni in meileng atuang pen nikhatsung akigawm mi 15,000 bek pha hi. Tu’n meileng lampi aki honbeh sausemsem ahih manin, atuangzong tamsemsem a, nikhatsung bekbek in Passengers 142,313 bang phaliangta hi. Sawltak #zomidaily