Malaysia meileng lampi huangsung ah pasal khat lutsim in tawlkhat khawlcipsak

Malaysia meileng lampi huangsung ah pasal khat lutsim in tawlkhat khawlcipsak

Malaysia khuapisung kikawmna in akizang meileng lampi tungah pasal khat taipheimawk ahih manin, MRT Sungai Buloh – Kajang meileng pen tawmvei kikhawlsak cih theStar pan kiza hi. Tuni Thursday nitaklam zuamtuahhun Peak Hour hunlaitak in thupiang ahihi.

Meileng ataina Train Track Area ah tua pasalpa pen alutsim kici a, tuahangin meileng lampi pen naikhat sungbang ki khakcip hi.

MRT SBK, Kwasa D’sara geiteng ah mikhat lutsim ahih manin, lauhuai ahih manin Electric Power tawmvei khakcipphot kulding hi. Tuapa zong matphot kulding ahih manin meileng tawmvei ki khakcip dinghi ci’n Twitter tungtawn in thunei te’nzong genkhia hi.

MRT meileng tawh kisai in thunei ahi Prasarana Spokesman khatinzong meileng lampiteng hoihtak etcian masak kulding ahih manin, ahun sawtpian dinghi ci’n genkhia hi.

Hihvai tawh kisai in RapidKL te’nzong Twitter tungah Update khahkhia uh a, Police te’n manlangtak in tua meileng lampitung ah alutsimpa mankhia khinta uhhi ci’n nitaklam 6:48pm hunin genkhia uhhi. Sitcianna kinei laiding a, hihhang in nawngkaina athuakkha khempeuh kongthum uhhi ci’n genkhia uhhi.

Tuakhit ciangin meileng lampi te hoihtak sitcianna kinei masa in, bangmah nawngkaina aomloh ciangin meileng te angeibang in taisakkik uhhi.

Hih buaina Incident hangin MRT meileng tawh khuasung avak aciahte awkcipgawp uh a, ziakai saktuam mahmah hi.

Related: Malaysia MRT meilengthak nikhatsung atuang mi 142313 pha, 50% Discount kipia

Meileng thunei te’n meileng lampi huangsung ah mipite bangvai bangvai aom zongin nalut hetkei un, hihbang gamtatna hangin liau kituakthei bekthamlo in, midangte adingin ahun tampi ziakaisak, nawngkai saktuam mahmah hi ci’n genkhia uhhi.

Hihvai tawh kisai in athu ala theihbeh, zakbeh aomleh hongki Update kikding hi. Sawltak #zomidaily