Kuala Lumpur khuasung atai mawtawpi tungpanin Pipe lumpikhat kiasuk

Kuala Lumpur khuasung atai mawtawpi tungpanin Pipe lumpikhat kiasuk

Malaysia, Kuala Lumpur khuapisung lamzikpi tungah apailaitak ahi Trailer mawtawpi tungpanin siklumpi khat kipeikhia ahih manin, lamzik tawlpikhat kikhakcip cih Bernama pan kiza hi. Tuni Sunday zingsanglam in Cheras vengsung ah thupiang ahihi.

Hihvai tawh kisai in kumpi thunei City Traffic deputy chief Superintendent Ahmad Adnan in agenkhiatn ah buaina Incident apianhun pen Sunday zingsang 9:40am hunpawl cihi.

Tua Trailer mawtawpi pen Jalan Shamelin lamsang zuanin apailaitak hi a, Cheras Roundabout ah avanpuak ahi Metal Pipe golpi pen lamzikpi tungah aki hualkhia ahihi.

Tua Metal Pipe golpi pen lamzikpi panin hepkhiattheih nadingin lamzikpi kikhakcip ahih manin, tawlpikhatsung mawtaw lampi awkcip sakpah hi.

Kamphatna tawh hih Metal Pipe golpi akiatsuk laitak in ageinai aom mawtaw te bangmah denkhak neilo bilbel cihi. Ahi zongin Kajang lampan in leinuai Underpass lutpheina lamzikpi te tawlpikhat kikhakcip in, Traffic Police te’n hih Metal Pipe aki hepkhiattheih nadingin buaipih mahmah uh cih kiza hi.

Behlapna: Construction Site khawngah akizang mawtaw te, van golpipi apuadiak Trailer mawtawpi tepawlpawl pen ahawltezong awlmawhluat aneikhollo tata hithei a, lauhuai mahmahmawk uhhi. Pilna laitannei, khuakciim leh midangte adingin angaihsunthei valval cihte sangin a ngongtat phiatphiat cihtepawl in Construction mawtaw te hawlzawdiak ahih manin, ahihtheih nakleh nekkhak lohding hoihtuakzaw hi.

More: Malaysia Construction khatah Crane tuksuk in nasem mi 2 denglum

Mipil mikhual teleh mimawl mimawkmawk te ii gamtat leh ngaihsutzia, midangte ading ngaihsut sakzia, mikhualzia cihtepen kikhai vevemawk hi. Tuamah bangin mimawl te Comment piakleh, mipil miciim te Comment piakte simkakleng hongkikhai vevemawk hi 🙂 Mawhsak nading bekbek azongzong pawlkhat aomsam hangin, athukhual mahmah tampitak ki om veve ahih manin, lungdamhuai hi. Sawltak #zomidaily