USA, Indianapolis ah Hakha nupi khat mawtaw tuahsia in si

USA, Indianapolis ah Hakha nupi khat mawtaw tuahsia in si

USA gamsung Indiana State, Indianapolis khuasung ah mawtaw Accident piangin sanggam Hakha te nupi khatin hongnusia cih CCN leh GCP te thusuah tungtawn in kiza hi. Accident apianhun pen Friday (Nov 24) nitaklam 8pm hunpawl kici a, Indianapolis khuasung aom Stop 11 leh Meridian kituahna Burger King saigei ah atuahsia ahihi.

Mawtaw tuahsiatna hangin hongnusia nupinu pen amin Pi Tha Zing kici a, amah pen Myanmar, Chin State sung aom Dawn khuapan kici hi. Pi Tha Zing pen USA gamsung atunma, Myanmar gamsung ah aomlai in sangsiama “Teacher” asemngei khatzong ahihi.

Pi Tha Zing pen kum kum 51 aphakhin khat hi a, pasal neikhin in, apasal minpen Pu Za Thang ahihi. Apasal pen Chin State, Surl khua pan ahihi.

Pi Tha Zing pen mawtaw atuahsiat laitak in mawtaw sungah atanu leh adang pasal khattawh mi 3 atuangkhawm uh kici a, amahpen sipah hi. Adang atuanpih nihte pen liamna tuamtuam tawh zato ah kikem in, ahi zongin nuntakna beilawhzah liangding in liamgawp samlo uhhi.

More: USA, Indiana ah zukhamsa in atate 5 tawh mawtaw ahawl Bawi Lian kiman

Mawtaw atuanpih te lakah atanu ii aminpen Emily Sui Len Par kici a, adang khatpen Bik Te kici in, tuapa pen mawtawhawl ahihi.

Pi Tha Zing tepen Indianapolis khuasung aom CEBC ah akihel, pawlpimi cih kiza hi. Athu akizasawn pen hitengbek hi a, tuasang in atheihbehzaw ihomleh Comment panin ki zasaksawn, ki Update sawnni. Sawltak #zomidaily