UNHCR thunei te leh Community makai te Meeting kinei thei

UNHCR thunei te leh Community makai te Meeting kinei thei

Meeting hunsung in UNHCR lam pan anuai aa bang in gencianna hong nei uh hi.

• Thu nei kumpi te in full lockdown ding tawh kizui in zaksak na aom te hoihtak zuihding hong limgen mahmah uh hi.
• Thukin khat, vaikin khat peuh a om leh innpan in mi 2ta bek pusuak thei ding.
• KL pualam ki paithei lo ding aa, paikhiat na ding vaikhatpeuh na neih leh phalna lai na laak kul hamtang ding hi.
• Bus, Meileng te pen atai ngeibang in tai veve ding a, ahizong in 50% bek ki taisak ding hi.
• Zinglam 7am-8pm ciangbek ki pusuak thei ding hi.
• Mini Market, Phamacy , cihte honloh theihloh pawlkhat te kihong veve ding .
• Kikhopna, mipi tawh omkhop na cihte peuhmah ih zatkhak loh dingzong hong gen phapha uh hi.
• Nasepna boss te in nasem teitei ding hong cih leh kumpi tungah phalna lai nalak kulding aa, tua phalna lai pen June kha ma ate kizang theilo ding hi. ( cihnop na ah June kha kipat a nalak te bek kizangthei ding cihna hi)

UNHCR zumpi te tawh dotna leh dawnna ki nei thei

UN card renew tawh kisai
• UN Card tettan tu Card renew vai tawh kisai in phone number update lo, pawlkhat te na phone number uh update napi in, na omna address uh update lo cih khawng om ahihman in tuahang in deihbang in manlang theilo suak hi.

• Grabcar tung ah mi 2ta bek tuangthei hina pi in, azenzen in damloh na khat tawh pusuak ding in mi 2/3 phaleng tuate nawngkai na aom thei ding hiam?

Damlohna khatpeuh ahizong in , appointment nei ahizong in tuabang aom leh mi 3 ciangbang paikhawm thei hi. Ahizong in nang hong kisapna lai , appointment lai ahizong in phalna laite na lak veve kul hamtang ding hi.

Hih vai tawh kisai in registration hotline na call un.( Ph- 017-6143810) . ahihzong in original ki pia loding a, copy ki pia phot ding hi.

• MCO hunsung in ahihthei leh UNHCR registration department te kipawlna zum tuamtuam ah pai in appointment na piaksa te uh card nong piaksak thei ding uh hiam?

Hihvai tawh kisai in MCO thukhun ombang in kizui phot ding hi. Ahizong in a sawtlo in UN register lam tawh kisai ki hong kik ding hi.

• UN card neilo te in zatui ( Covid-19 natna dalna) tawh kisai in koici bangin register bawlthei ding hiam?

Hih vai in bangmah kong gen theinai kei uh hi. Kumpi thunei te vaihawm na lamlah na kingak phot ding hi.

Registration for Vaccination ( Covid -19 natna dalna zatui sut vaitawh kisai)

• Hih natna dal na zatui tawh kisai in a kisun nuampeuh mah in anuai aa link te ah lutin , register kibawl thei ding hi. (https://www.vaksincovid.gov.my/daftar/) Info: ZAM