Malaysia zuandingin apai Myanmar gammi 40 tak Thai gamsung ah kiman
Malaysia gamsung zuandingin apailaitak Myanmar gammi 40 tak lamkal (Thai gamsung) ah kiman cih kici hi. The Nation kici Bangkok Newspaper te genkhiatna ah tua Myanmar gammi tepen Malaysia gamsung ah phalna neilopi in agutlutsawm “Myanmar illegal migrants” te ci uh a, Ranong Province sungah Monday ni in Thai galkap te’n amatkhiat uh cihi.
Tua Myanmar gammi te atuanna pen mawtaw 3 tak hi a, Pick-up Truck vive ahihi. Tua Pick-up Truck ahawl te lakah Thai gammi khatleh Myanmar gammi 2 zong kihel uh a, tuatezong Royal Thai Army Troopers te’n mankhia uhhi.
Malaysia gamsung zuanding apailaitak akiman tepen numei 6 leh pasal 34 hi a, akigawm in mi 40 ahihi. Chumphon Province zuandingin apailaitak in khuasung mite’n muanmawhhuai sapian ahih manin Thai galkap te zasakpah uhhi. Tuaciangin Thai galkap te’n thusitna aneih uhciangin Malaysia gamsung zuanding Myanmar gammi 40 leh amakai mawtawhawl mi 3 aki mankhia ahihi.
Tua akiman Myanmar gammi tepen Myanmar gamsung, Tanintharyi Region, Kawthaung Township pan aki pankhia uh ahihi. Pickup-truck Driver te’n mikhat ciangin Thai sum 2000 Bath (US$60) tatawh kicial sakin Thai gamsung akantanpihsawm uh ahihi.
Ageelna ah tua Myanmar gammi tengpen mawtawhawl te’n Chumphon Province sungah akhakding uh hi a, tuapan in adang Agent khatin Malaysia gamsung ah guklutpihding cih ahihi. Ahi zongin lamkal ah khuasung mite ii Report bawlna tawh akiman uh ahihi.
Thai gamsung ah aomsa Myanmar gammi tezong nasep ngahding hamsatna “Job Opportunity” hangin innlam kiciah ngeingai hi. Khakhat in Myanmar gammi aciah bekbek 15,000 ciangbang phaden kici hi. Tua kawmkal ah Myanmar gammi bekbek Million khatbang Thai gamsung ah omlaiding in ki ummawh a, tualak ah naseptheih nadingin Permit aneilo pen tultampi mah omding in ki ummawh hi.
More: Thai gamsung ah Bus tuahsia in meikuanggawp, Myanmar 21 in sihlawh
2014 kumsung in Myanmar Census akibawlna ah Myanmar gampualam ah aom Myanmar gamgi bekbekpen 2 Million valbang phading kici hi. Tuabangin azinkhia te lakah Thai gamsung ah Myanmar gammi tampending in ki ummawh a, tuaban ah Malaysia, China, Singapore, South Korea, Japan, Middle East cih gamtuamtuam ahzong Myanmar gammi nasem in tampitak ki omlai hi. Sawltak #zomidaily
Comment piaknop aomleh...