Mat le hen na tuak ciang

Malaysia nuntakna pen a nop tawh a kibat hang in a noploh ni zong omthei hi.

A diakdiak in gamdang ah om in nasem mi ih hihman in gam mi te bang in kisuaktalo hi. Suakta na kisak mahmah hang in na ut dan in omding pen ngaihsut phat huai mahmah hi. A diakdiak in ngaihsut phat huai cihna mun ah ei gam, ei leitang hilou a hihman in na ut bangbang in gamta or om mawkmawk kei in.

Mark 12:31 “Nangma pumpi na it bang in na veng te na it in” cih mah bang in gam mi te pen picing thei mahmah hizaw hi. Hong nawikaisak lo ci leng kikhiallo ding hi. Amau mimal in ih nawngkaisak mateng bangmah hong awlmawhlo lamtak kithei veve hi. A hong neu et or hehpihhuai zong hongsa hikha thei phial zawzen lel hi.

Mi deihloh te thei ni
Gam mite deihloh gamlumna te kidawm ni. Neekdan khawldan siam ni. Homecell kikhopna te, inn thunget te or Pasian phatna te ah zong kidop siam ni. Gam mite a biakna uh a khauhpai dan pen ih theihsa hi. Khuazaan kimlai lasakna or gam lumna te ah pilvang mahmah ni.

Mat le hen om ding cih kiza
A sawtlo in Selangor le KL kuamteng ah Operasi omding cih a muanhuai mi te pan ki za hiau hi. Tua a hihman in kidawp siam ni. A kigenna ah a nuai a munte ah tamlut ding ci hi.

A) Games sai
B) Bar sai
C) Ansai
D) Lampi block (Mawtaw lampi khak in sit kawikawi)
Tua a hihman in kipawlna card tawi te ading in na tuak khak zenzen le a nuai ateng kiginsa in nei hamtang in.

1) Na sanggam te or nang hong kin vanvan ding mi khat peuhpeuh ii phone no lotngah na mitsitsa na leng na mitkha ah muhsawm in..
2) Kawlgam na ciah kik nop kei a gambeel ciaptehna na lunggulh le kei gambeel te hi ing ci hamtang in. Tua huuhau in kawlgam pan nongtaina thute zong na mitkha pan na muh dong ciamteh in. Kawmpi pan taikhiat ni, Malay gam tunni le nongtaina thu a tom (na case) cihna hi.
3) Na tun tun na pan in a hih theih le na sanggam or nang hong kin velvel ding pa ph tawh theisak in. Na tuntun na pan in mimal ciaptehna pumpi number (Body No) hong kipiading hi. Theisak hamtang in.
4) Na min hong kidot ciang in kipawlna tungah na piakdan lian in gen in. Na min neu khawng gen kiaukuau se kei in. Honh kikan khia zolo ding hi. Tua hi le na nungsang ah kipawlna pan or na sanggam te in hong nngzuih theipan ding hi.

Hong kimat khak zenzen le lau kei in, Zomi ka hihi cikawm in Pasian kiangah ki ap in. Na sanggam Zomi khat teitei in hong nungzuihpah ding hi. Na upna le na mabaan te khahsuah kei inla Pasian tungah ki ap tawntung in.

Pasian tungah kiap peuh le cin na mabaan te ah hongcing hongkem tawntung ding hi.
John 14:6

Francis Khampi