Hong Kong meileng khawlna ah pasal khat aguaktang in dinghithiat

Hong Kong meileng khawlna ah pasal khat aguaktang in dinghithiat

Hong Kong khuasung kikawmna meileng khawlna ah nitak mipi atammahmah laitak in pasal khat puan silhvetlo in dinghiathuat dihdih ahih manin lamdang kisa mahmah cih SCMP pan kiza hi.

Wednesday nitaklam nasem ciahin meileng ah mi akiphut ziahziah laitak, Rush Hour laitak in hihpa pen aguaktang in Mobile Phone khat tawikawm in dinghithiat cihi.

Anawkkha te’n Photo zaihpah uh a, Social Media ah lawnkhiapah ziahziah uhhi. Hihpa pen kum 20 gualpawl hiding in ki ummawh a, MRT meileng apaiding angak khitciangin Station 2 khawng tuangding kici hi.

Tuani pen Hong Kong ah khua lumlua mahmah a, Hong Kong Observatory te’n Temperature 34.4 degrees Celsius hi ci’n uh a, tukumsung khua alumpenpen ni ahihi.

Hihpa pen Tsim Sha Tsui vengsung Hankow Road kicihna lampitung aom ATM gei ah aguaktang in kimu masa cihi. Tuapan in bangmah awlmawh neilo, damtak in paisuk hiathiat a, Tsim Sha Tsui kicihna MRT meileng ah meileng ngakin dinghithiat leuleu hi.

Nitaklam 7pm hunpawl hi in, MRT meileng tungah mipi dimzihziah in aki henphitphet laitak hi a, mi tampitak in mukha uhhi. Tuakhit ciangin Passengers pawlkhat in meileng thunei Subway Staff te zasak uh cihi.

Tuaciang in MRT Staff te’n Police te zasaksawn uh a, tuakhit ciangin kimanpah cihi. Police te genkhiatna ah hihpa pen alungsim cidamlo, Mental health issue aneikhat hiding ci uhhi.

Brazil, Manhuacu khuasung aom mi tampitak in anawknawkna BR-262 Highway lamzikpi tungahzong nung Sunday ni in numei khat aguaktang in khetawh paihiathiat cimawk hi.

Mawtaw tawh anawkkha Driver khatin amuh ciangin bang honghuh theiding kahiam ci’n dotsawm himahleh tua numeinu in thusimlo, thudonlo cihi. Tuaciangin amanzong Video zaihpah hi.

Related: Indonesia gamsung ah guaktang in avak numei khat kiman

Tuanu pen akhut alangkhat ah zuthawl tawi a, alanglam ah apuansilh teng tawinetnat cihi.

Zu dawnkeileng ih gamtat ngamlohding, ih maizum mahmahding tepen zu alut khitciang in bangmah awlmawh kineinawnlo hileh kilawm hi. Sawltak #zomidaily