Iraq gamsung ah ISIS migilo akiman mi 300 val sihdan kipia

Iraq gamsung ah ISIS migilo akiman mi 300 val sihdan kipia

Iraq gamsung ah ISIS Member lakah akihel migilo akiman mi 300 valte sihdan kipia cih AFP pan kiza hi. Islamic State Group sungah akihelkha akigawm in mi 300 val thukhenna akinei hi a, Iraqi Court in sihdan apiak uh ahihi ci’n Judicial Sources te’nzong Wednesday ni in genkhia uhhi.

Tuabangin sihdan akipia ISIS migilo te lakah gamdangmi Foreigners zong honkhat kihel uhhi. Photo: Mosul City aom thong inndeineu sungkhat ah kiman in aki khumcip IS migilo pawlkhat

Thukhenna akineihna pen Courts mun 2 ah hi a, Northern Iraq aom Mosul City leh Iraq gam ii Capital khuapi Baghdad City sungah akinei ahihi. Baghdad City sung aom Court thukhenzum ah thusitna akinei te atamzaw pen numei leh gamdangmi vive hizaw hi.

Judicial Source te genkhiatna ah tukum January kha akipan Baghdad City sungah gamdangmi 103 te sihdan kipiakhin hi. Tuate lakah Turks mi 6 zong kihel uhhi. Tuaban ah mi 185 tezong khantawn thongkiading in thukhenna kinei hi ci’n genkhia uhhi.

ISIS migilo tetawh akipawlkhawm akimankha thongkia numei atamzaw pen Turkey leh Soviet Union gamte pan hizaw uhhi.

January khasung mahin Germany gammi numei khatzong ISIS migilo tetawh kipawlkhawm cih aki muhkhiatna tawh kizui in sihdan kipia hi. Tuaban ah France gammi numei khatmahzong ISIS tetawh kipawlkhawm ahih manin, khantawn thongkiading in thukipia cihi.

More: ISIS in Syria gam a Christian te zuih ding thukhun bawl

Mosul City gei aom Tel Keif Court ahzong mi 212 te sihdan kipia uhhi. Tuaban ah adang mi 150 tezong khantawn thongkiading in thukipia a, adang mi 341 tepen thongkiading akum atuamtuam kipia hi ci’n Supreme Judicial Council spokesman Abdel Sattar Bayraqdar in Statement ah genkhia hi. Sawltak #zomidaily