Mangkam sinna laibu honpawi kibawl ~ Tedim Post

Mangkam sinna laibu honpawi kibawl

Tedim – April 17
Zosuan Tuailai Khawmpi tawh kituak a kibawl “Mang Kam Sinna Laibu” hon pawi pen FBBC Hall ah zing lam nai 9 hunin nopci tak kibawl hi, cih kiza hi.

Rev. Isaiah Khen Khat Tuang, E&M Director, TBC in hun ap thungetna nei a, Sia S. Dal Sian Pau (ZOLLS) in laibu hongin, Rev. Nang Khen Khup, Senior Pastor, Lawibual Tuiphum Pawlpi in thungetna tawh ap hi.

Hun zawh lungdam kohna pen Rev. Dal Go Mang, Assist. Pastor, EBC, Myoma in nei hi. Hih laibu pen Zomi Language and Literature (ZOLLS) hanciamna tawh kibawl hi a, level 1 & 2, laimai 86 hi-in sinna 26 om hi.

A lei nuam ta dingin bu khat Ks. 1000 tawh kizuak a, tusung sangkahte tungah man ngen loin kipia hi.

Tedim Post