Zomi te’n maikum aa ding ngimna neihding hanthawnna

Zomi te’n maikum aa ding ngimna neihding hanthawnna

Dear lai sim teng, 2017 Portland Khuado ah thulu 5 tawh thugenna nei ing. Athu ngana pen Zomi te’n mailam aa ding in bang gelna i nei hiam?

K Khuado pawi kumkhen pawi I cih mah bang in, kum lui te beita aa, kum tak aa ding in lametna ngimna thak tawh kalsuanto ni.Tuzawh kum 5, kum 10 ciang leh itu ita te a ding in bang gelna i nei hiam?

• 1. Khuado Kum kikhen thu.
• 2. Dawi leh khaniin te do na leh a sisate kha tawh ki zopna hun.
• 3. Khuailakna leh Kumkiik ciang ding etkholna.
• 4. Portland leh USA a om Zomi te kipawlna omzia.
• 5. US a om Zomi te mailam ah ngimna leh gelna neih ding hanthawnna.

Ipu ipa te’n Khuado ciangin khuai lain, ai sanna na nei uhhi.
Tuhun khangthak te’n aisan kullo in mailam aa dingin ngimna gelkholhna ineih na ding in thapia in ong hanthawn nuam ing. US tung Zomi u leh nau te in mai lam kum 5, kum 10, I tu it ate khang aa ding in bang gel na I nei hiam?

Leitung gam tuamtuam pan in mi nam tuamtuam te, bangmah neihsa pualo in US gam ki tung tek hi. Hi bang aa atung mi te hanciam na tawh, tuin US gam in leitung bup ah, neihsa lam ah a huau pen, galkap lam ah athahat amuan huai pen, pilna lam ah a sang pen suak hi. US gam tung mi khem peuh in haksakna tampi phukha tek uh aa, cihtakna, thuman leh hanciam na tawh gualzawhna na ngah uhhi.

US gam zong leitung mah ahih caing in, seploh bawlloh hanciamna lo tawh gualzawhna ki ngahlo hi.

U.S. President John F. Kennedy in Rice Stadium Houston, Texas ah September 12, 1962, ni in “We choose to go to the moon” ci’n thugena na nei hi. Tua hun lai in US te Russia te nung ah aom laitak hi. President Kennedy in, “Tu zawh kum 10 ma in US te kapi tung itung ding hi, tua ading in tun nasep kipat kul hi” na ci hi. A gen kholh mah bang in July 20, 1969 ni in Neil Amstrong khapi tung ah tung sak hi, Khatung ah atung masa pen mipa hi. A lawmpa Aldin tawh khapi tung ah nai thum sung om uh hi, khapi tung ah US dialpi phut uh hi.

Presidet Kennedy in a gen mah bang in kum 10 sung in, US te’n Russia te ma khelh uh aa Russia te’in phanzo nawn lo hi.

2017 Khuado ah kong gen nop in US aa om Zomi te in, mai lam aa ding gelna leh ngimna ki cain I neh ding ong han thawn nuam ing. Khuado pawi kumkhen pawi I cih mah bang in, kum lui te beita aa, kum tak aa ding in lamet na ngimna thak tawh kalsuanto ni.

Ei innkuan a ding igam leh minam aa ding in tuzawh kum 10 ciang aa ding ngim na leh gelna nei in, lung kituak in ki pumkhat in maapang hawm ni. Eima thagum hatna bek tawh hi zolo ding a hih man in Topa muang ni. A taangtung sak Topa tung ah thu nget na tawh ivai teng khempeuh ap ni. Zomi te lung kituak, hanlungciam khangto diam. Topa thu pha, King Mang