Manchester tuahsiatna hangin Muslim pasal khatleh Jewish nupi khatin thu ngenkhawm

Manchester tuahsiatna hangin Muslim pasal khatleh Jewish nupi khatin thu ngenkhawm

Britain, Manchester Area ah Bomb ki sukkhapna hangin mi 22 takin sihlawh a, adangzong mi 59 bangin liamlawhgawp uhhi. Asi te lakah naupangno kum 8 khatzong kihel ahih manin, ki mulkim phadiak hi. Tuaban ah aliam lakahzong naupang 12 bang kihel kici hi.

Manchester Attack hangin khuasung mipi te ki linglawng mahmah in, zong ki khasia mahmah hi. Asi leh aliam te phawkna in Manchester, Albert Square ah khuasung mipi te’n pakkual koih in, thungetna zong nei uhhi.

Tualai ah Muslim papi khatleh Jewish nupikhat zong khatlehkhat ki hehnem in, thu ngenkhawm uh cih Reuters te’n genkhia uhhi.

Manchester tuahsiatna pen Monday nitak in American lasiam minthang Ariana Gradne in Concert abawl laitak Bomb apuakkham ahihi. Tuesday ni in Albert Square ah khuameivakna leh pakkual piakna, zahtak piakna, thungetsakna cihte kinei hi.

Related: Manchester ah Suicide Bomb asukhampa British Police te’n pulak khiata

Tuesday’s Vigil ah Manchester sung aom biakna tuamtuam Muslim, Christian, Jewish, Sikh cihtepan makaite kihel uh a, thu ngenkhawm uh cih kiza hi. ZD Sawltak #zomidaily