Manchester ah Suicide Bomb asukhampa British Police te’n pulak khiata

Manchester ah Suicide Bomb asukhampa British Police te’n pulak khiata

Manchester Arena ah Suicide Bomb asukham pen Salman Abedi kici minnei khat ahihlam British Police te’n Tuesday ni in genkhiata uhhi. Tuapa pen kum 22 aphakhin khat ahihi.

Hih Suicide Bomb asukhampa pen Fallowfield, South Manchester sung aom innsung khatpan in Police te’n amatkhiat uh ahihlam Greater Manchester Police’s Chief Constable Ian Hopkins in Media Briefing abawlna ah genkhia hi.

Ahi zongin hih migilopa thutawh kisai in bangmah genbeh kicianna neinailo a, Coroner inzong Formal tawkin genna neinailo cihi. Hih Suicide Bomb sukhampa pen amahguak hiam, ahih keileh kuatawh kipawlhiam cih aki kansan laitak ahihi.

IS te’n ahihleh hihpen amau ii gamtatna hi ci’n pulakkhia uh a, adangzong buaina ka piangsak laiding uh ci’n mipi lauthawngsak uhhi.

More: American Singer “Ariana Grande” in Manchester ah Concert abawl laitak puakkham, mi 19 si, 50 liam

Manchester Attack hangin asi pen mi 22 tak hi a, tuaban ah aliamzong akigawm in mi 59 tak phatota hi. Asi te lakah naupangno kum 8 aphakhinpan khatzong kihel a, tualo adang naupangno 12 zong aliamlak ah kihel uh cih kiza hi. ZD Sawltak #zomidaily