Malkual huhna puak leuleu

Malkual huhna puak leuleu

Zanni a ei mawtaw in a puak khit zawhloh Cikha zato huhna tuni-in Muan Lian mawtaw ah kikhak to leuleu hi. Zomi Bethel Church, Coffs Harbour, Australia pawlpite piak, puan sawp set a pei velvel zo ding Solar system leh zato lupna 7 leh phone sum MPT, Mytel Ks.200,000 man kipai tosak leuleu hi.

PAWLPI, KIPAWLNA, MIMAL IN OXYGEN LEI KHOLH HUAI

Zan nitak lamin “Pu Khup aw, Nang Go oxygen kisam lua hi, hong zonsak in” hong kici a, ka zon kawikawi hangin kawm ding kimu zolo hi. A tawpna ah a bungneute zuak ding a, a koih uh bung 4 om a, tuate ka nget ciangin “Tampi hong lei khin ahih teh oxygen thun man hong pia inla, la mai ve, a za hong koksak mahmah kei un maw, zuak ding kimlai kong zatsak ahi” hong ci veuveu uh hi.

KAWLPI A BEI HILO MANDALAY AH BEI HIZAW

Kawlpi a bei hiloin Mandalay ah lomlak ding kimu zo nawn lo ahih man hizaw hi. Ka post hong comment khat in bel “Yangon ah cylinder bungpite khat, tengh khat val deuh hilel” hong civen tua ahih leh bel mawtaw sap zo a, tampi a la zo ding ten Yangon vaikhak leh kiman mahmah dan hi. Pawlpi, kipawlna, mimal in neih kholh huai hi. Sum bawlna a kipua a bei hiloin, Kawlpi kuamah covid vei leh cina tam lua ahih manin zat tawm ding a bei hizen hi.

TULAI NATNA PEN OXYGEN TAM BEI DEUH

Nidangin cina gim khat adingin zan khat oxygen bungpi 1 bek bei a, tulainatna tawh a gimte adingin bung 10 bang bei mawk ahih manin liau mahmah ahih lam phawk huai hi. India bangin oxygen kicing lo buaina tawh kinai mahmah ta hihang. Pasian in hih natna leitung panin hong lakkhiatsak mengmeng nadingin thungen ciat ni. Sia Do Khup