Ka gam uh hong damsak in

(2Khang 7:13-14) “13 Keimah in vantungte khakcipin guah a zuk loh ciangahi a, gamsung a netum dingin kauphe thu ka piak ciang ahi a, ka mite lakahnatna ka tunsak ciang ahi zongin,14 keima minin a kisam ka mite amau mahmahkiniamkhiatin, thu ngen in ka mai hong zong a, amau gitlohnate panin a kiheiuhleh, keimah in vantung panin ka za ding a, amaute’ khialhna maisakin aleitang uh ka hoihsakkik ding hi.”

Thumasa: Isreal minamte Pasian mi hi-in Pasian ompih,Pasian makaihminam hi uh a, Pasian in minam dangte tawh kibang loin aituam neih a tuam gupmahmah minam ahi uhhi. Ahi zongin Pasian thumang lo,Pasian kiang pan in pialkha pahpah uh hi.Tua bang hun ciang in Pasian in a it luat manin thuhilh zel,gal lelhna maw,natna maw,gamsung netum kauphe maw cih bang khat tawh danpia,gim pia thei zel hi. Isreal mite a mawhna uh kisikkik in Pasian kiang zuanin biakpiakna a neih uh ciangin a mawhnate uh maisakin thupha pia zel hi.Pasian in nasep khat peuhpeuh a kipat dinguh ciang ahi zongin,gualzawh na,thupha khat peuh peuh a piak ding ciangin a mite kisiansuah dingin sawl zelzelhi.

Isrealmite mah bangin ei thu-um mite,Pawlpite,kipawlna gambup ahi Association,Convention, minambupte zong Pasian in hong ompih,hong makaih,hong gualzawhpihleh thupha piakte ihi hi. Ahi zongin Pasian tawh kizomden zolo,Pasian thumangden zolo, Pasian deihna tel den zolo ihih manin Pasian in hong it luatmanin hong thuhilh zel, hong sat zel thei hi.Isreal mite mah bangin ei zongPasian kiangah i mawhnate pulaak in ama kiang i zuat ding Topa’n hong deihhi.Leitungah a omlaite i hih manin kisiansuah den ding akisamte ihi hi.

Isreal mitetangthu ah giahphual mun 42 nei uh a,giahphual sim ah kisian suah uh hi. Eitezong kum khat khatvei beek ahih keileh kumcin kikhoppi beek ah i kisian suahding kisam hi.Mimal nuntakna bel kisiansuah den kha mah ni ahi zongin gambup adingin kisian suahna i neihzelzel ding kisam hi. Isreal mite mawhna bawlna lehPasian dan piakna,mawh maina ngetna, kisian suahna tampite sung panin kumpiDavid nuntakna (1Khang 21:1-27)sung enin i gambup in Pasian mai-ah kisiansuahinPasian maipha zong leng ka ut hi.

David in Isrealleh Judah miphazah simsak:(1Khang 21:1-6)

Davidin Joab le galkap a ukte kiangah Isreal mi phazah vasim unla,kei kiangah thuhong zasak kik un a ci hi. Joab in mite a sim khit ciangin David kiangah a piahi.Isreal khempeuh sungah galkap thei ding mihing awn khat le sang khat (1100000) om a, Judah sungah galkap thei ding mi tulza le tul sawmsagih (170000) om hi.Joab in kumpipa’thu piak na hoihsa hetlo ahih manin misimna ahLevi minam le Benjamin minamte hel lo hi.

Hih thu ahPasian lungkim lo: (21:7)

Mihing ngaihsutna ah misimnakhialhna omlo tawh kibang napi-in hih thu ah Pasian lungkim lo ahih maninIsreal te vatgawp hi. Eite zong innkuan,Pawlpi, gambup thu vaihawm nate ahPasian a lungkim diam cih ngaihsut huai ka sa hi.

David in khialing ci-in mawhmaina ngenpah: 21:8

Mite ngaihsutna ah man mahmahtaleh Pasian lungkim lo,Pasian in deihlo cih David in a theih ciang in khialkeng ci se loin,”Hih ka nasepna ah nakpitakin ka khial hi.Tua ahih ciangin tu-in nang tungah kongthum hi; na nasempa’ mawhna hong maisak in; banghanghiam cihleh a haihuaimahmahin ka gamta kha khin hi,” a ci hi. David in a mawhnate imcip loin lungsimkhauh loin thum pah thei hi.Tua manin Pasian lungsim tuak hi. Phatna hang bekin Pasian lungsim tuak hi loin mawhna a neih leh mawh ing ci-in thum pahpahahih manin Pasian lungkim hi.

Pasianin gimna thum lak ah khat teel sak: 21:10-15

Davidthumna Topa’n maisak napi-in gimna dan khat teitei tawh thuhilh veve a, ahizongin gimna teel theihna thu pia hi.

Gimna thu thumte:21:12; -1.Kialpi kum3, 2. galte mai ah kha 3 sung galtaina, 3. Isreal sung khempeuh ah pulnatna lesuksiatna ni 3 sung a piangsak Topa namsau

David in Topa’khut sung mah teel: 21:13-14

David in “Topa’ khut sungah hongpuksak inla, mihing’ khut sungah hong puksak kei in”, ci hi.Gimna a thuak dingnangawn mi khut sung sang in Topa khut sung mah na teel veve hi. David in teelsiam kasa mahmah hi. Tua ahih ciangin Topa in Isreal te tungah pulnatna khattungsak a, mi 70000 puk hi.

David le Upatepuanhampi silh in Pasian kiangah thum uh: 21:16-17

Davidkhuadak to a, leitung le vantung kikalah Topa’ vantungmi dingin, a khut sungaha kidoksa namsau khat omin Jerusalem tungah a zan mu hi. Tua ciangin David leupate puan hampi silhin maipuk uh hi. Tua ciangin David in Pasian kiangah, “Miphazah a sim dingin thu a piapa keimah hi lo ka hi hiam? Khialin a gitlohgamtat mahmah pa keimah ka hi hi. Ahih hangin hih mite in bang gamtatkhialhna nei ahi uh hiam? Topa ka Pasian aw,kong thum hi,kei mah le ka innkuangim hong pia in. Ahih hangin na mite tungah gimna tungsak kei in,” a ci hi.

Hihthu tungtawn in bang thu hong musak hiam cih leh makaite khialhna, ginatlohnate hangin i minam, i gambup, i Pawlpi, i innkuan sungah gimna Pasian hehnahong tung thei hi cih i mu hi. David khialhna hangin bangmah thei lo Isreal mi70000 in sihlawh uh hi.Makaite i vaihawm na,i kalsuannate, i sumpi zeeknate, inasepnate, i gamtat nate,i nek i dawnnate en pha kik ni.Topa a lungkim kei lehi minam, i gam i lei,i gambup kipawlnate, i pawlpi ,i khua i tui,i innkuansungah pulnatna,kialpi tungin sihlawh in siatna tun thei hi. Tua ahih manin

David le upate in puanhampisilhin Pasian kiangah a thum mah bangin ei makai ten keima hangin ka mite sungah,ka gam ka lei ah, ka Pawlpiah,ka gambup sungah, ka innkuan sungah gimna tungsak kei in ka theih mawhna katheihloh mawhnate hong mai sakin ci-in Topa khe phung zuan in mawhmaina ngeninthum ding hi hang.Pawlpi buaina, gamsung buaina, natna tuamtuamte, mencipna, anetum kauphe cih bangte keima mawhna hang ahih leh hong maisak in ci-in Pasian kiangah thum ding hi hang. Eite’nmansa hoih sa ta leng Pasian deihna tawh kituak lo vaihawmna a om kha hiam?Topa hong sit in ci-in thum ni.

Vantungmi inTopa a’ ding biakna tau lam ding sawl: 21:18

Tuaciangin David paito in Jebus mi Ornan’ ancilna phual ah Topa a’ ding biakna taukhat a lamna ding a gen dingin Topa’ vantungmi in Gad sawl hi. Hih gimnateng aven nading in Pasian mai ah mawhmainabiakpiakna neih ding Topa’n deih in sawl hi. I gambup,i Pawlpi, i minam mawhnaa maina dingin makaite’n mawhmaina biakpiakna neih ding Topa deih ahihi.

David in meihalbiakna dingin Ornan ancilna mun lei: 21:19-25

Davidzong vantungmi sawlna a nasempa tung panin za a, a ma zak hita keileh lungsimkhauh sak het loin biakpiakna piakna ding mun ah va pai pah hi. Tua cianginDavid in Ornan kiangah, “Mite’ kiang panin gimna a ven theih nadingin Topa a’ding biakna tau khat ka lam theih nadingin na ancilna mun hong pia in. A man acingin piak dingin hong pia in,” a ci hi. Ornan in David kiangah meihal biaknaa zat dingin bawngtal te, a sing dingin ancilna singte, le antawh biak nadingin a mangbuhte kong pia hi. A vekpi -in kong pia hi”, a ci hi.David in Topaa’ dingin nangma a’ ka la kei ding a, keima sum bei loin meihal biaknate zongka pia kei ding hi. ci hi. Tua ahih ciangin David in Ornan tungah a mun leinadingin kham shekel zaguk a gik a pia hi.

David mah bangini mawhna a mai nadingin mi thumsak mi ngetsak mi khitui bektawh kicing loin eimahmah in i mawhnate pulaakin Pasiankiangah khitui naptui tawh thumin mawhmai na ngen ding hi hang.Ei mahmahin Topa mai ah i lungsim khempeuh sungkhia in, Pasian mai zong ni.I mawhna amai nadingin eima khitui mah Topa’n deih hi. Eima neihsamah tawh biakpiakna lui ni.I tate pianthak nading,i gambup khanlawhnading,Kawlgam kikhel nading Siate pum ap ziau kei ni, thungente ap ziau keini, eimah mah khitui luangin antangin thumin Topa khephung i zuat ding Topa’ndeih hi.I tate a’dingin eima khitui mah Topa’n hong kal hi.

David biakpiaknaTopa’n sangin vantung pan meikuang pia: 21:26

Davidin tua lai ah Topa a’ dingin biakna tau khat lamin meihal biaknate le thu nuama biaknate bawl in Topa’ tungah thungen a,tua ciangin amah in a thungetna apiakna in a meihal biakna a hal dingin vantung panin meikuang a pia suk hi.

Topa a’ dinginbiakna pia in thungen a,Topan a mawhnate uh maisak in vantung pan meikuangkhiat hi. Tua mah bangin ei zong i mawhnate a mai nadingin thungen inbiakpiakna lui ni.Topa’n i mawhnate hong maisak in khanlawhna mei ,suahtaknamei,cidamna mei, khan sauna mei, nopsakna mei, hauhna mei, gualzawhnamei,ki-itna kipumkhatna meite hong khiat in thupha hong pia ding hi.

Biakpiakna neihkhit ciangin vantungmi in namsau a paai sungah siat kik: 21:27

Davidin Topa a’ dingin biakna a piak khit ciangin Topa lungkimin a vatgawp vantungmite thupia in suksiatna namsau a paai ah siat kik sakta hi.A gam sung uh cidamta hi.

Thukhupna:

Kumpi Solomon tungah Topa kilangin ama kiangah: 2Khang 7:13-14

Keimah in vantungte khakcipin guah a zuk loh ciang ahi a, gamsung a netumdingin kauphe thu ka piak ciang ahi a, ka mite lakah natna ka tunsak ciang ahizongin, keima minin akisam ka mite:

1. amau mahmah kiniamkhiatin,
2. thu ngenin ka mai hong zong a,
3. amau gitlohnate panin a kiheiuhleh,
4. keimah in vantung panin ka zading a,
5. amaute’ khialhna maisakin
6. a leitang uh ka hoihsakkik dinghi.

Ki-apna:

I innkuan sung, i Pawlpi sung, igambup sung, i minam le i gam i lei cidamna dingin gambup makaite,Pawlpimakaite,minam makaite mahmahin i theih mawhna i theihloh mawhnate Topa mai-ah sungkhiain kiniamkhiat in Topa mai zong in thungen ni.Kisikkikna tawh Topa khephungzuan khawm ni. Gimna hong tun,Topa dan hong tun ngak sese kei ni. Mawhnatepulaakin kisiansuah pahpah ni.

Inuntakna ah guahzu loin nel loin hing loin kha lam taksa lam ah keu i kisahiam? Guah i kisam hiam? Nasepna ah semsem napi hangin lawhcing thei lo,daupaithei lo i kisa hiam? Kikhol thei loin bei loh nading pi ah beibei in a netumkauphe hong tung kha hiam? Pumpi lungsim kha zawngkhal in natna tuamtuam ithuak kha hiam? Topa mai-ah kipulaakin Topa aw ka mawhna uh a omleh hong sittelinla ka mawhna uh hong maisak in ci-in Topa khephung zuan khawm ni.

Tuahileh Topa’n i mawhnate hong maisak ding a, i innkuan sung hong cidam ding hi.I Pawlpi sung hong cidam ding hi. I gambup sung hong cidam ding hi.I minam sunghong cidam ding a, i gam i lei cidamin hong hoih kik ding hi. I gam ah Topa thupha hong luang ta ding hi. Bawngnawi leh khuaizu luanna gam hong suak tading hi. Tua ciangin sehnel gamah tui a phulsak Topa in i gam ah nuntakna tuihong phulsak in gamkeu leitang keuna munte ciktui tawh hong kidimsak dinghi. (Late 107:35) Eite ading in amah nuntakna guah hong hi ding a (Hosea 14:5), ihauh theih nadingin khuapi guah, tuk guah le phalbi guah ahoih bek zah hong zusak ding hi. (Joel 2:23). Topa aw ka gam uh hong damsak in. Amen

Rev. Langh Za Kap
GS-ZZBA, Lashio