India ah pasal khatin anu asihzawh kum 3 sung Freezer sungah kemcip

India ah pasal khatin anu asihzawh kum 3 sung Freezer sungah kemcip

Mihing pawlkkhat te, a it angaih khatpeuh asih ciangin amau vanzatlui khatpeuh phawkna in kemcipthei uhhi. Ahi zongin mikhat asihkhit ciangin itluat manin, aluanghawm kemcipsuak cihpen omngei khollo hi.

Ahi zongin India gamsung ah pasal khatin anu asihkhitzawh kum 3 sung Freezer sungah kemcip cih Hindustan Times pan kiza hi.

Tuapa pen anu asihkhitzawh kum 3 sungtak Freezer sungah aluanghawm kemcip ahih manin, nung Wednesday ni in India Police te’n mankhia uhhi.

Tuapa in anu luanghawm tuabangin kum 3 sungbang akepciplam Phone tawh thunei te tungah ki zasaksim hi. Tuaciangin Kolkata Police te’nzong Wednesday ni in tuapa omna innsungah zongpah uh a, akigen mahbangin anu ii luanghawm pen Freezer sungah mukhia takpi uhhi.

Tuabang in anu luanghawm akemcippa pen amin Subhabrata Majumdar kici hi. Amahpen inndawl 2 Story apha khatsung ah ateeng ahihi.

Police te’n a innsung azon uhciangin Ice Cream bawlna ah akizang Freezer agolpi khat ii asungah anu ii aluanghawm aki khalsak mukhia uhhi.

Anu ii aluanghawm pen asiatloh nadingin zatu Chemical zong kizang hi. Ahi zongin agilsunglam agilzang Internal Organs teng ki hemkhia hi.

Pawlkhat anu ii apumpi Body Parts pawlkhat tepen Jars sungah akikoihzong innsung panin ki mukhia hi.

Hihbangin anu ii aluanghawm pen banghang in kum 3 sungbang kemciphiam cihpen athu akician in kitheicianlo hi. Ahi zongin aki ummawhpen nam 2 hang hithei hi ci’n BBC te’n genkhia uhhi.

Amasa aki ummawhpen ahihleh: misiluang kemcip in, mihing suaksak kikthei cihtawh kisai laikigelh Literature ki mukhia hi. Tua ahih manin, hihpa in anupen mihing asuakkikding lametna nei hikhathei kici hi.

Anihna aki ummawh ahihleh: anu pen asihkhit hangin anu ii Pension nesuaknuam ahih manin, anu asihlam kuamah theisak nuamlo hikhading kici hi. Tua Pension pen asihkhit ciangin ki pianawnloding ahih manin, anu asihlam akitheilo dingin aselcip hikhading kici hi.

Anu pen April 2015 kumin asi hi a, ahi zongin asihzawh khasim in anu ii Pension pen Debit Card panin ki Withdraw den cihi. Police te’n banghangin ami omlo, Life Certificate omlo in, Pension sumpen ki piapia theihiam cihzong akanciansan laitak uh cihi.

More: India gamsung ah Hotel khat kicim, mi 10 si, adang mi 2 liam

Hindustan Times genbehna ah tua anu luanghawm akemcippapen savun tawh kisai Leather Technologist in abeisa in semngei ahih manin, tuapanin misiliang bangci keptheihding cih Chemical akisamteng ngahkhia hiding kici hi. Sawltak #zomidaily