Malaysia Zomi te thu zaksakna

Malaysia Zomi te thu zaksakna

Malaysia ah Zomi pen kitam mahmahta in Zomi kipawlna ZAM ah pawllut mi 28000 valta hi. Nisim phial
in a kiman a thongkia ahi zongin, a cina zato tunga kipan nausuak ding zato lum cihte tam in thong sungah
a si, a gui awk lum zong om, USA lam a lengleng zong kiomden hi.

A lungkhamhuai pen in Malaysia lamah meltheih neilopi in Kawlgam panin sum beilo Malaysia kipaithei, Malay na tunteh na sep mupah ding, sum ngahpah ding ci-in puaisa pawlkhat gen um a, a paikhate pen lungkhamhuai pen in, ZAM in zong buaipihpen
uh hi.

A hang pen hih panin sum beilo in pai takpi thei mah uh a, Malaysia gam Pennang tuikulh a tun uh
ciangin ZAM zumte phone kiset in na Zomi pih a min tua, a khua tua, hong tungin Malaysia sum RM. 3000,
4000 etc… tawh nong tatkei leh tuipi tungah ngabengte ka zuak ding uh hi ci uh ahih manin tua bangin
Kawlpi khua sungah mi khem a, sum beilo Malaysia kipai thei, kha sum tua zah sangding cih tawh Zomi a
khem Zomite pen ZAM in hong mudah mahmahta in, mailam ah tua bang na semte a khawl kei leh leitungbup
Zomi te theih dingin a min, a khua a tui, a pawlpi dongin hong kitangko khia ding hi ci uh hi.

Pennang tuikulh panin ZAM in tampi mah na tankhiazo uh a, a tatkhiat zawh loh meltheih neilo
Zomi tampi tuipi tungah ngabeng in kizuak hi. Hih pen a tua pana kitankhiate’ gen hi a, khasiat huai thei
mahmah uh hi. Malaysia ah meltheih neilopi leh meltheihte a thu a la zasak masa loin Malaysia ah na sem,
sum thalawh dingin i tu, i tate paisak het loh ding thupi ding hi.

Zomite sum beilo ci a Malaysia pai dinga a
khem Kawlpi khua sunga nupi pawlkhat leh pasal pawlkhat zong ZAM zumah a min limtak in omkhin hi cih
i kitheihsak kawmin, Malaysia Zomite’ thu tomcing in i pulak nuam hi.

ZYA Weekly News