Malaysia ah vanleng asetsia ahih manin, Emergency in awmtalsa in kumsuk

Malaysia ah vanleng asetsia ahih manin, Emergency in awmtalsa in kumsuk

Malaysia gam ii neihsa vanpuakna “transport aircraft” akici vanlengkhat aset siatna om ahih manin, Emergency Landing bawlkul cih theStar leh NST tepan kiza hi. Tua vanleng pen “Royal Malaysian Air Force (RMAF)” te vanlengkhat hi a, tuni Saturday (Nov 18) ni in Labuan International Airport ah awmtalsa in akumsuk ahihi.

Hihvai tawh kisai in Royal Malaysian Air Force (RMAF) te’n Statement akhahkhiatna ah tua vanleng pen C130 Hercules Transport Aircraft khat hi a, Saturday nitaklam 5:30pm hunpawl in aset siatna om ahih manin, Emergency Landing ci’n awmtalsa in vandawn pan akumsuk cihi.

Vandawn panin akumding ciangin akizang ahi Landing Gear pen kisiamawk ahih manin, Gear luttheilo in apeite pusuaklo a, awmtalsa in vanlengtual ah akumsuk ahihi.

Hih vanleng tungah atuang vanlenghawl Pilot leh vanleng nasem Crew tepen bangmah asi aliam omlo cibilbel hi.

RMAF panin thunei te genkhiatna ah hih vanlengpen Landing Gear asiatlam atheih ciangin tusukngam paklo cihi. Vanleng sungah datsi tampian ahih manin, tuatetawh awmtalsa in tusukleh lauhuaiding cihtawh tusuk ngampaklo hi.

Tua ahih manin, vanleng sungah akipua datsi te abeitheih nadingin nai 6 sungtak kiimvial kawikawi in, lengleng sakphot a, anunung ah datsi abeikuan ciangin Emergency Landing ci’n awmtalsa in akumsuk ek ahihi.

More: Vanleng sungah nupa ki totgawpna hangin “Emergency Landing” kibawl

Vanleng pen awmtalsa in akumsuk laitak Photo aki khahkhia pawlkhatzong om a, meikuang sansuk zeizai hi. Labuan International Airport zong hih vanleng hangin tawlpikhat ki khakcip cihi. Statement aki khahkhiatna ah hih vanleng tungah mi bangzahtuang cihpen akician in pulakna omnailo hi. Vanleng tuanlaitak, datsi beisakphot ni in, abeiciang awmtalsa in kumsukni hongki cimawkleh….. Sawltak #zomidaily