Malaysia gamsung Kota Damansara veng aom siamsinna sanginn khatah Bomb puakkhamding patauhna tawh sangnaupang te sanginnhuang sungpan in ki hemkhiasak uh cih Malay Mail pan kiza hi. Kota Damansara veng aom Malaysia Local University khatpan thupiang hi a, Security Officer te genkhiatna ah sangnaupang teng zingsang 11am in sanginn huangsung pan ki taikhiasak cihi.
Ahang pen hih sanginn huangsung ah kuama neihsa ahilo thungkuah Bag khat kimu a, tuahang in aki patau gawp ahihi. Bomb Disposal Team te’nzong va enpah uh a, Bomb taktak bel nahisamlo hihtuak hi.
Petaling Jaya police chief ACP Mohd Zaini Che Din ii genkhiatna ah tuabang in akigen anei omlo Bag pen kimulo hi ci’n Press Conference ah genkhia taleuleu hi. Ahi zongin sanginn huangsungteng ah Police Personnel tampitak omzihziahsak hi.
Bangbang in ki patau gawp hiam cihleh zingsang 10am pawlin pasal aw khattawh Mangpau in sanginn zum nasemte phone tawh ki hopih a, Iran gammi khatin dailenbuk sungah Bomb koihhi ci’n gen cihzong kiza hi.
Hih sanginn pen sangnaupang 2000 val bang akahna hi a, tuabang in Bomb omding cih akizak ciangin sangnaupang teng ki pusuaksak in, sanginn huangsung tengah kumpi thuneite leh palik te’n abuzon uh ahihi.
Dailenbuk sungah cihziau tawh phone kiho himawk ahih manin, dailenbuk teng leh sanginn huangsung teng Checking lutkawikawi uh a, mipi alinglawng gawp ahihi.
Bomb aom taktak samloh ciangin nitaklam 2pm in sanginn ki hongkik a, ahi zongin sanginn huangsung ah palik tampitak in encikden uhhi. Tuaban ah Phone sap alenkha nasempen leh adang sanginn nasem te thudotna zong palik te’n neikawikawi uhhi. ZD Sawltak #zomidaily
Comment piaknop aomleh...