Malaysia dailenbuk ii Ceiling tungah gulpi khat kimu

Malaysia dailenbuk ii Ceiling tungah gulpi khat kimu

Malaysia, Sarawak State sung aom Sibu khua ah numeikhat dailengding in Toilet buksung ah lutsuk hi. Tuazawh asawtlo in inntung Ceiling kawmah gul mu ahih manin awnggawp, kugawpsa in taikhiakik cih theStar pan kiza hi.

Tuni Thursday (Dec 7) zingsanglam 7:30am hunpawl in thupiang ci a, Jalan Tun Ahmad Zaidi sung aom innkhat ii dailenbuk sungah ahihi.

Tua gulpen Thampi ihcih Python gul tepawl hi a, asauna pen pi 5 bang sauding cihi. Innteeknu zong dailenbuk zangding kimlai hih gulpi pen Ceiling kawmkal ah mukha ahih manin, a aw neihzah in kugawp in taikhia vingveng hi.

Tuakhit ciangin Civil Defence Force te kiangah huhna genin Distress Call zasakpah hi. Civil Defence Force panin Bujang Kedri kicipa ii genna ah huhna hongnget ciangin kidelhpah in tua gulpi pen ki mankhiathei a, zum ah ka ciahkhiatpih uh cihi.

More: Innsung ah gul honglut leh bangcihding? Patau luakei in

Civil Defence Force te upmawhna ah tua gulpi pen innnunglam tuinin paikhiatna Drainage panin dailenbuk Toilet sungah alut hikhading hi ci’n genkhia uhhi. Sawltak #zomidaily