Russia te galvanleng khat kikap khiatsak, mi 5 si

Russia te galvanleng khat kikap khiatsak, mi 5 si

Russia te galvanleng “Russian military helicopter” khat zanni August 01 ni in Syria gamtung ah ki kapkhiatsak cih Agencies News pan kiza hi. Hih Galvanleng tungah mi 5 atuang hi a, avek in sikhinding uh cih thunei te’n genkhia uhhi.

Russia Defence Ministry te genkhiatna ah ih Helicopter tung ah mi 5 atuang hi a, katheihna ciangciang uh ah avek un sikhin hi ci’n Journalists te tungah genkhia uhhi.

Hih Helicopter pen Aleppo City ah huhna puak “humanitarian aid” in apai hi a, aciahkik lamciang in aki kapkhia ahihi.

Hih Helicopter pen vandawn ah alen laitak leipan in akikapto hi a, akapkhia kua cih kitheician nailo cihi. Ahi zongin IS te mah ki ummawh a, Moscow in international terrorism te ka lehdo suakding uhhi ci’n Mr Peskov in genkhia hi.

Nung Sunday ni in IS te’n YouTube tungah Video khat khahkhia uh a, Russia gamsung ah ngongtatna akipat nading in agalkap te uh thu kipia uhhi. Tuatawh kizom in hih Helicopter hongki kapkhia ahih manin, IS te mah ki ummawhpah hi.

Syria gamtawh buaina hangin Russia galkap asihlawh pen hihtawh mi 18 hita hi. ZD Sawltak #zomidaily